Erdoğan otandıq qorğanıs önerkäsip önimderin körude. Foto: Anadolı.

Süriya soğısı bastalğannan keyin jäne NATO-men aradağı kikiljiñnen soñ, Türkiya äue qorğanıs jüyesinde orıstıñ S-400 jüyesin satıp aluğa şeşim şığarğan. Sonday-aq, S-400-di paydalanğan uaqıtta otandıq äue qorğanıs jüyesin jasap şığarudı qolğa alan bolatın.

Bir kün bwrın Türkiya prezidenti Rejep Tayıp Erdoğan Türkiyanıñ qorğanıs önerkäsip önimderimen tanısqan kezde, «Siper» attı orta jäne alıs qaşıqtıqtağı äue qorğanıs jüyesiniñ jasalıp jatqanın mälimdedi.

Erdoğan sözinde: «Täuelsiz jäne quattı Türkiya jasau üşin qorğanıs önerkäsibinde bastalğan bastamalar jalğasın tabatın boladı. Otandıq äue qorğanıs jüyesi qayırlı bolsın», – dedi.

Erdoğan biligi soñğı kezde, EO-ğa wmtılğan Türkiyanı Batıstan alıstatıp äketti. Orta jäne Tayau Şığıstağı eldermen de qarım-qatınası bir deñgeyde emes. Alayda, Resey jäne Iranmen öñirdegi oyındı bölisude. Bwl Türkiyanı qorğanıs salasındağı derbestikke qaray itermeley tüskendey. Qazir Türkiya öziniñ qorğanıs önerkäsibin damıtuğa köbirek köñil bölude. Äue jäne ğarış tehnologiyalarına da küş saluda. Eger Türkiya şınında reseylik S-400 nemese amerikalıq «Sad» qorğanıs jüyesine para-par keletin äue qorğanısın jasap şığarsa, onda öñirdegi ıqpaldı oyınşığa aynalmaq.

“The Qazaq Times”