تۇركيا وڭىردەگى ماڭىزدى ويىنشى بولۋعا ۇمتىلۋدا

ءسۇريا سوعىسى باستالعاننان كەيىن جانە ناتو-مەن اراداعى كيكىلجىڭنەن سوڭ، تۇركيا اۋە قورعانىس جۇيەسىندە ورىستىڭ S-400 جۇيەسىن ساتىپ الۋعا شەشىم شىعارعان. سونداي-اق، S-400-ءدى پايدالانعان ۋاقىتتا وتاندىق اۋە قورعانىس جۇيەسىن جاساپ شىعارۋدى قولعا الان بولاتىن.

ءبىر كۇن بۇرىن تۇركيا پرەزيدەنتى رەجەپ تايىپ ەردوعان تۇركيانىڭ قورعانىس ونەركاسىپ ونىمدەرىمەن تانىسقان كەزدە، «سيپەر» اتتى ورتا جانە الىس قاشىقتىقتاعى اۋە قورعانىس جۇيەسىنىڭ جاسالىپ جاتقانىن مالىمدەدى.

ەردوعان سوزىندە: «تاۋەلسىز جانە قۋاتتى تۇركيا جاساۋ ءۇشىن قورعانىس ونەركاسىبىندە باستالعان باستامالار جالعاسىن تاباتىن بولادى. وتاندىق اۋە قورعانىس جۇيەسى قايىرلى بولسىن»، – دەدى.

ەردوعان بيلىگى سوڭعى كەزدە، ەو-عا ۇمتىلعان تۇركيانى باتىستان الىستاتىپ اكەتتى. ورتا جانە تاياۋ شىعىستاعى ەلدەرمەن دە قارىم-قاتىناسى ءبىر دەڭگەيدە ەمەس. الايدا، رەسەي جانە يرانمەن وڭىردەگى ويىندى بولىسۋدە. بۇل تۇركيانى قورعانىس سالاسىنداعى دەربەستىككە قاراي يتەرمەلەي تۇسكەندەي. قازىر تۇركيا ءوزىنىڭ قورعانىس ونەركاسىبىن دامىتۋعا كوبىرەك كوڭىل بولۋدە. اۋە جانە عارىش تەحنولوگيالارىنا دا كۇش سالۋدا. ەگەر تۇركيا شىنىندا رەسەيلىك S-400 نەمەسە امەريكالىق «ساد» قورعانىس جۇيەسىنە پارا-پار كەلەتىن اۋە قورعانىسىن جاساپ شىعارسا، وندا وڭىردەگى ىقپالدى ويىنشىعا اينالماق.

“The Qazaq Times”