Foto:New York Post

Qwrama Ştattıñ Ädilet departamenti seysenbi küni mälimdeme taratıp, Qıtaydıñ barlau qızmetkerleri hakerler men insayderler arqılı jeke menşik kompaniyalardıñ komp'yuterlik jüyelerine kirdi, kommerciyalıq äue kompaniyalar paydalanatın turbina qozğaltqışınıñ derekterin wrlauğa tırıstı dep ayıptadı. Bwl AQŞ Ädilet departamentiniñ qırküyekten beri qaray üşinşi ret Qıtaydıñ Jiyañsu wlttıq qauipsizdik agenttiginiñ qızmetkerlerin ayıptauı.

AQŞ Ädilet departamentiniñ mälimdemesinde, Qıtaydıñ Jiyañsu provinciyasındağı Wlttıq qauipsizdik agenttiginiñ qızmetkerleri Ça Roñ, Çay Mıñ jäne basqalardıñ atı atalğan. Sonımen qatar, qıtaylıq barlau qızmetkerleri jäne olardıñ jaldağan hakerleri men insayderleri birneşe jıl boyı asa mañızdı äue kompaniyasınıñ qwpiyaların wrlaumen aynalısqanı aytılğan.

Mälimdemede aytıluınşa, 2010 jılı qañtardan bastap, 2015 jılı mamırğa deyin, Jyañsu Wlttıq qauipsizdik agenttiginiñ barlau qızmetkerleri men onıñ hakerler tobı Jañ Jañgüy, Lb Çuanlyañ, Gau Hoñküñ, Juañ Şyaui Ma Jıçi qatarlılardı qamtığan amerikalıq jäne europalıq kommerciyalıq aviakompaniyalar paydalanatın turboan qozğaltqışınıñ negizgi tehnologiyasın wrlauğa äreket etken. Mälimetterge qarağanda, bwl qozğaltqıştı Qıtaydıñ Suju qalasında ornalasqan Franciya men AQŞ birlesken kompaniyaları zerttep öndirgen.

Qazir Federaldıq barlau agenttigi men Ädilet departamenti jäne Memlekettik departamentteri qıtaylıq barlau qızmetkerleriniñ äreketterine qarsı şaralardı dayındauda.

  “The Qazaq Times”