Äl-Farabi atındağı QazWU-da «Ruhani Jañğıru» bağdarlaması ayasında «Jastar Kökpar Ligası» men QazWU-dıñ wyımdastıruımen wlttıq sportımızdı damıtu maqsatında «JKL PROFI 3x3» formatında käsibi kökpar komandaları arasında tartıstı kökpar oyını ötti.

Atalmış tartıstı oyındı tamaşalauğa QazWU rektorı Ğ. Mwtanov, Türki düniesi Jurnalister federaciyasınıñ prezidenti Menderes Demir mırza men türik delegaciyası, jäne de «Jastar Kökpar Liga» keñesiniñ prezidenti Daniyar Däukey men wlttıq sportımızdıñ janaşırları jinaldı.

Türki düniesi Jurnalister federaciyasınıñ prezidenti Menderes Demir mırza öz kezeginde Qazaqstanda wlttıq sporttıñ qarıştap damıp kele jatqandığına öz rizaşılığın bildirdi. «Men sizderdiñ oqu orındarıñızdı aralau barısında qanşalıqtı halıqaralıq deñgeyde damıp kele jatqandığına kuä boldım. QazWU älemniñ 250 üzdik universitetiniñ qatarına enip, älem aldındağı bedeli qarıştap damıp keledi. Bilim men ğılımdı damıtumen qatar öz dästürleriñizge de qanşalıqtı berik ekenderiñizge bügingi kökpar oyını dälel. Kökpar bwl türkitildes elderge ortaq wlttıq oyın, ökinişke oray aramızdan jıl sanap wmıt bolıp baradı. Osı orayda men qazaq jastarınıñ osı wlttıq sportqa degen erekşe mahabbattarın körip, özimizge ülgi retinde alıp otırmın. Aldağı uaqıta kökpar oyının Türkiyada, Evropada, tipti bükil älemge jarnamalap, qayta jañğırtu jolında belsene jwmıs atqaruğa dayın ekenimizdi jetkizgim keledi», – dedi Menderes Demir.

Jalpı «JKL PROFI 3x3» formatı Kökpardı qalalıq jerlerde damıtuğa öte oñtaylı format bolıp sanaladı. YAğni bwl formatta oyın ötkizu alañ aumağınıñ kişi jäne kökparşılar sanınıñ azdığın kedergi sanamaydı, bwl format elimizde keñ taraluda.

Perizat Jarılqasınova

"The Qazaq Times"