Foto: i.ytimg.com

Berlin Saud Arabiyasına qaru-jaraq eksportın uaqıtşa toqtattı. Bwl turalı Germaniya kancleri Angela Merkel' baspasöz konferenciyasında habarladı. 

Angela Merkel' öz sözinde: «Saudiyalıq jurnalist Jamal Haşoggidiñ ölimi külli älem üşin öte qorqınıştı jäne jwmbaq jağday. Endi qılmıstıq is tolıqqandı tergelip, kinäliler qatañ jazalanuı kerek. Sol sebepti qaru eksportın toqtattıq. Atalğan oqiğa memleket arasında ğana emes, halıqaralıq deñgeyde talqılanatın boladı», – dedi.

Nemis biligi eki el arasındağı eksporttıq baylanıstıñ uaqıtşa toqtatıluı ülken eskertu deydi. Olar qılmıstıq iske qatıstı tergeudi jalğastırıp, ädil şeşim şığaru kerek degen talap qoydı. Jurnalistiñ qazasına baylanıstı Saud Arabiyasına Germaniya ğana emes, özge de memlektter qatañ eskertu jasap otır. AQŞ prezidenti Donal'd Tramp «Saud Arabiyası bizge sayasi odaqtas memleket, alayda jurnalistiñ ölimi qarama-qayşı äreket», – ekendigin ayttı. Al BWW-nıñ adam qwqıqtarı jönindegi byurosı tez arada aşıq, äri ädil tergeu jürgizudi talap etti.

Ayta keteyik, jurnalist Haşoggidiñ Istambwldağı konsuldıqta qaza bolğanın Saud Arabiyasınıñ wlttıq telearnası habarladı. Bwl iske qatıstı korol'dıqtıñ 18 azamatı twtqınğa alınıp, 2 joğarı lauazımdı twlğası otstavkağa ketti. Qazirgi uaqıtta äli de tergeu jwmıstarı jürgizilip jatır.

"The Qazaq Times"