Almatıda älemge äygili jarnamaşı Djeyms Hermenniñ «Argument v pol'zu kreativnosti» attı kitabınınıñ alğaş ret orıs tilindegi nwsqası tanıstırıldı. Bwl atalmış kitaptıñ alğaş ret orıs tilinde jarıq körui. Ol şığarmaşılıq twrğıda qazirgi zamanğı iskerlik basılımdar üşin öte mañızdı bolıp sanaladı. Sonday -aq, avtor kreativtilik pen tiimdilikke qatıstı pikirtalasqa nükte qoyadı. Bwl kitapta älemdik iri kompaniyalardıñ ökilderi osı taqırıp jayında tereñ taldau jasap, statistikağa negizdelgen öz twjırımdarımen bölisedi.

BigWonReport esebi boyınşa, kitaptıñ avtorı Djeyms Hermen älemdegi №1 josparlau direktorı. Ol 20 «Kann arıstandarı» jüldesi men tiimdiligi üşin 50-den astam jüldeniñ iesi. Avtor 30 jıldıq täjiribesine süyene otırıp, kreativtilik pen tiimdiliktiñ, kreativtilik pen kompaniya tabısınıñ ösui, kreativtilik pen akciya bağasınıñ ösui bir-birimen tikeley baylanıstı ekenin däleldeydi. Ol bwl kitabımen halıqaralıq biznes salasında silkinis jasadı.

Atalğan kitaptı Qazaqstanda orıs tiline audarıp, basıp şığaru ideyasınıñ avtorı - «A-3 Praktikalıq Jarnama Mektebiniñ» negizin qalauşı jäne Kann Arıstandarı Halıqaralıq Kreativ  Festivaliniñ Qazaqstandağı eksklyuzivti resmi ökili Ashat Öskembaev. Onıñ aytuınşa, avtormen kelisimge kelu ol oylağannan da oñay bolğan.

"Men bwl kitappen alğaş ret Kann Arıstandarı Halıqaralıq Festivaline barğanda tanıstım. Nege orıs tiline audarıp, Qazaqstanda basıp şığarmasqa degen oy keldi. Avtormen habarlastım, onımen kelisu men oylağannan da jeñil boldı, on bes-aq minutta kelisimge keldik. Onı audaruğa bir jarım ay, al basıp şığaru üşin eki aydan artıq uaqıt jwmsaldı. Jalpı, jıl sayın jarnamağa milliondağan qarjı bölinedi, alayda kreativ bolmasa, ol aqşa bosqa ketti degen söz. Biz ekonomikamızdıñ damuına üles qospaymız, al deval'vaciya, dollardıñ köterilui sındı mäselelerdi aytıp şağımdanuğa kelgende aldımızğa jan salmaymız. Sondıqtan kreativti boluğa wmtıluımız kerek. Qazaqstan üşin kreativti bolu - ömir süru sapasın jaqsartu bop sanaladı. Äri qaray alğa jıljıp, tabıstı bolğısı keletinder üşin bwl taptırmas kitap", - dedi Ashat Öskembaev.

Kitaptıñ audarmasımen belgili audarmaşı, jarnama äleminde ülken täjiribesi bar Anastasiya Gonçarova aynalısqan. Ol öz kezeginde kitaptağı mañızdı aqparattardı qarapayım tüsinikti tilde jetkizuge tırısqanın atap ötti.

Jalpı, «Kann Arıstandarı» halıqaralıq kreativ festivali (International Festival Of Creativity Cannes Lions) kommunikaciyalıq industriya salasındağı bedeldi halıqaralıq festival' sanaladı. Jıl sayın ol Franciyanıñ Kann qalasında ötedi, mwnda konkurstıq bağdarlamadan bölek, seminarlar, oqu kurstarı men baylanıs salasınıñ qızmetkerleri üşin qoğamdıq is-şaralar ötedi. Al onıñ bastı oqiğası kommerciyalıq jäne äleumettik baylanıs salasındağı jıldıñ üzdik jwmıstarın marapattau («Arıstandar») saltanattı şarası sanaladı.

Festival'da jarnamalıq kampaniyalar üşin de, tehnikalıq saladağı jetistikter üşin de däreje bar. Eki jağday da «Altın Arıstan» (Gold Lion) jüldesi öz därejesiniñ üzdik qatısuşısına beriledi.

"The Qazaq Times"