Donal'd Tramp komandası. Foto: Defense One

AQŞ prezidenti tağı da äureşilikterge jolıqtı. Bwl jolı onıñ özi iriktegen komandasınan şu şıqtı. Aqüydiñ Wlttıq qauipsizdik keñesşisi Maykl Flinnge BAQ jäne sayasi qarsılastarı jağınan «Resey elşisi  Sergey Kislyakpen AQŞ qwpiyalığı turalı talqıladı» degen narazılıq tüsude. Bwl turalı qıtaylıq «Şinlañ» aqparattıq ortalığınıñ resmi saytı habarlaydı.

Qañtar ayınıñ ortasında, «Washington Post» basılımı, Flinn ötken jıldıñ jeltoqsan ayındağı eki künde, Resey elşisi Sergey Kislyakpen telefonda söyleskeni turalı jazğan bolatın. Olardıñ telefonda tildesken uaqıtın ötken jıldıñ 28 jeltoqsanı dep körsetken. Ol kezde Tramptıñ Prezident bolatını belgili bolğanımen, äli de öz tağına jayğaspağan kezi.

Maykl Flinn. Foto: The Star Online

Filldıñ 28 jeltoqsandağı Resey elşisimen söylesui asa sırlı. Sebebi, sol kezdegi prezident Barak Obama Reseydiñ AQŞ prezident saylauına aralasqanı üşin, Reseyge sankciya jariyalap jatqan edi. «Reseyşil» Tramp komandasınıñ müşesi retinde Filldiñ Kislyakpen sankciya taqırıbın talqıladı ma, joq – AQŞ-tıñ bastı nazar audarğan isi osı edi. Tramp komandası jäne Filldiñ özi de sankciya taqırıbın talqılaudı teriske şığardı.

Alayda 9 aqpan küni «Washington Post» basılımı qızmettegi jäne qızmetten bosağan 9 şeneunikke attarın atay otırıp, Flinn 28 jeltoqsandağı Resey elşisimen tildesu barısında sankciya mäselesi talqılanğanın aytıp bergenin jazdı. Äri, Tramp biliginen keyin Reseyge jasalğan sankciyalardıñ birtindep alınıp tastalatının añğarttı. Bwrınğı Obama ükimetiniñ qızmetkerleri bwnı zañsız astasu dep bağalap otır. Olardıñ körsetetin sebebi, AQŞ zañı boyınşa jekelegen azamattardıñ şeteldermen rwhsatsız kelissözder men baylanısına jol berilmegen.

«Washington Post» basılımı Flinn men Kislyaktıñ sankciyanı talqılau taqırıbınan bwrın, Tramp komandası Flinniñ platforması üşin, vice-prezident Mayk Pensti qamtığan, Aqüy bas apparatınıñ meñgeruşisi Reyns Pibos jäne Aqüydiñ resmi ökili Şon Spayser qatarlılardıñ barlığın aşıp körsetti. Brens ötken aydağı telearnağa bergen swhbatında  «Flinn Kislyakpen telefonda söyleskende eşqandayda sankciya äñgimesi talqılanğan joq» dep kesetken edi.

Flinn 8 aqpan aqparat qwraldarınıñ swhbatın qabıldağanda da sankciya turalı talqını joqqa şığarğan. Alayda, onıñ ökili 9 aqpanda söziniñ öñin özgertip, Flinniñ telefondağı tildesudiñ naqtı barısı esinde joq, sankciya taqırıbı aytılğanı turalı kesip ayta almaydı dedi. Demokrattar jağı Tramptan Flinn mäselesiniñ izin suıtpay twrıp, onıñ ökilettiligin toqtatudı, tipti, jwmıstan bosatudı swradı. Bwğan qosa Respublikaşıldar partiyası da narazılıq bildirdi. Olar Tramp pen Brenstıñ anıq qadamdar jasauın talap etti.

Donald Tramp 10 aqpanda: «Men Fill men Kislyak arasında sankciya mäselesiniñ talqılanğanı turalı mälimet tapsırıp almadım. Alda bwl mäseleni qadağalauğa alatın bolamız», – dedi. Flinniñ qazir asa qiın jağdayda ekeni anıq. Biraq, Tramptıñ keybir komanda müşeleriniñ aytısına qarağanda, bwl kez äste Flinndi jwmıstan bosatatın kez emes eken. Olardıñ pikirinşe, Tramp qazir Flinndi jwmıstan bosatar bolsa, onıñ qızmetine layıqtı adam tabıla qoymaydı, bwl Tramp komandasınıñ işki älsizdigine äkelip soqpaq.

Tramp komandası şınında onıñ «artqı aulası» ispetti. Eger onıñ «artqı aulası» bekem bolmağanda onıñ öz sayasatın tabandı jalğastıruı mümkin bolmaydı. Demokrattar men Respublikaşıldar partiyalarınıñ qarsılığına qaramastan Flinndi jwmısınan bosatpasa Tramptıñ özi de ırıqsız küyde qaları anıq. Al, soñğı mälimetterge süyensek Maykl Flinn öz  erkimen jwmıstan ketuge ötiniş bildirgen. Bwl Tramptıñ şeşim qabıldauına kömektesui mümkin. Alayda, Tramptıñ "artqı aulası" qausap qalmaq.

 “The Qazaq Times”