ترامپتىڭ "ارتقى اۋلاسىنان" ءورت شىقتى

اقش پرەزيدەنتى تاعى دا اۋرەشىلىكتەرگە جولىقتى. بۇل جولى ونىڭ ءوزى ىرىكتەگەن كومانداسىنان شۋ شىقتى. اقۇيدىڭ ۇلتتىق قاۋىپسىزدىك كەڭەسشىسى مايكل فليننگە باق جانە ساياسي قارسىلاستارى جاعىنان «رەسەي ەلشىسى  سەرگەي كيسلياكپەن اقش قۇپيالىعى تۋرالى تالقىلادى» دەگەن نارازىلىق تۇسۋدە. بۇل تۋرالى قىتايلىق «شينلاڭ» اقپاراتتىق ورتالىعىنىڭ رەسمي سايتى حابارلايدى.

قاڭتار ايىنىڭ ورتاسىندا، «Washington Post» باسىلىمى، فلينن وتكەن جىلدىڭ جەلتوقسان ايىنداعى ەكى كۇندە، رەسەي ەلشىسى سەرگەي كيسلياكپەن تەلەفوندا سويلەسكەنى تۋرالى جازعان بولاتىن. ولاردىڭ تەلەفوندا تىلدەسكەن ۋاقىتىن وتكەن جىلدىڭ 28 جەلتوقسانى دەپ كورسەتكەن. ول كەزدە ترامپتىڭ پرەزيدەنت بولاتىنى بەلگىلى بولعانىمەن، ءالى دە ءوز تاعىنا جايعاسپاعان كەزى.

مايكل فلينن. فوتو: The Star Online

فيللدىڭ 28 جەلتوقسانداعى رەسەي ەلشىسىمەن سويلەسۋى اسا سىرلى. سەبەبى، سول كەزدەگى پرەزيدەنت باراك وباما رەسەيدىڭ اقش پرەزيدەنت سايلاۋىنا ارالاسقانى ءۇشىن، رەسەيگە سانكتسيا جاريالاپ جاتقان ەدى. «رەسەيشىل» ترامپ كومانداسىنىڭ مۇشەسى رەتىندە ءفيللدىڭ كيسلياكپەن سانكتسيا تاقىرىبىن تالقىلادى ما، جوق – اقش-تىڭ باستى نازار اۋدارعان ءىسى وسى ەدى. ترامپ كومانداسى جانە ءفيللدىڭ ءوزى دە سانكتسيا تاقىرىبىن تالقىلاۋدى تەرىسكە شىعاردى.

الايدا 9 اقپان كۇنى «Washington Post» باسىلىمى قىزمەتتەگى جانە قىزمەتتەن بوساعان 9 شەنەۋنىككە اتتارىن اتاي وتىرىپ، فلينن 28 جەلتوقسانداعى رەسەي ەلشىسىمەن تىلدەسۋ بارىسىندا سانكتسيا ماسەلەسى تالقىلانعانىن ايتىپ بەرگەنىن جازدى. ءارى، ترامپ بيلىگىنەن كەيىن رەسەيگە جاسالعان سانكتسيالاردىڭ بىرتىندەپ الىنىپ تاستالاتىنىن اڭعارتتى. بۇرىنعى وباما ۇكىمەتىنىڭ قىزمەتكەرلەرى بۇنى زاڭسىز استاسۋ دەپ باعالاپ وتىر. ولاردىڭ كورسەتەتىن سەبەبى، اقش زاڭى بويىنشا جەكەلەگەن ازاماتتاردىڭ شەتەلدەرمەن رۇحساتسىز كەلىسسوزدەر مەن بايلانىسىنا جول بەرىلمەگەن.

«Washington Post» باسىلىمى فلينن مەن كيسلياكتىڭ سانكتسيانى تالقىلاۋ تاقىرىبىنان بۇرىن، ترامپ كومانداسى ءفليننىڭ پلاتفورماسى ءۇشىن، ۆيتسە-پرەزيدەنت مايك پەنستى قامتىعان، اقۇي باس اپپاراتىنىڭ مەڭگەرۋشىسى رەينس پيبوس جانە اقۇيدىڭ رەسمي وكىلى شون سپايسەر قاتارلىلاردىڭ بارلىعىن اشىپ كورسەتتى. برەنس وتكەن ايداعى تەلەارناعا بەرگەن سۇحباتىندا  «فلينن كيسلياكپەن تەلەفوندا سويلەسكەندە ەشقاندايدا سانكتسيا اڭگىمەسى تالقىلانعان جوق» دەپ كەسەتكەن ەدى.

فلينن 8 اقپان اقپارات قۇرالدارىنىڭ سۇحباتىن قابىلداعاندا دا سانكتسيا تۋرالى تالقىنى جوققا شىعارعان. الايدا، ونىڭ وكىلى 9 اقپاندا ءسوزىنىڭ ءوڭىن وزگەرتىپ، ءفليننىڭ تەلەفونداعى تىلدەسۋدىڭ ناقتى بارىسى ەسىندە جوق، سانكتسيا تاقىرىبى ايتىلعانى تۋرالى كەسىپ ايتا المايدى دەدى. دەموكراتتار جاعى ترامپتان فلينن ماسەلەسىنىڭ ءىزىن سۋىتپاي تۇرىپ، ونىڭ وكىلەتتىلىگىن توقتاتۋدى، ءتىپتى، جۇمىستان بوساتۋدى سۇرادى. بۇعان قوسا رەسپۋبليكاشىلدار پارتياسى دا نارازىلىق ءبىلدىردى. ولار ترامپ پەن برەنستىڭ انىق قادامدار جاساۋىن تالاپ ەتتى.

دونالد ترامپ 10 اقپاندا: «مەن فيلل مەن كيسلياك اراسىندا سانكتسيا ماسەلەسىنىڭ تالقىلانعانى تۋرالى مالىمەت تاپسىرىپ المادىم. الدا بۇل ماسەلەنى قاداعالاۋعا الاتىن بولامىز»، – دەدى. ءفليننىڭ قازىر اسا قيىن جاعدايدا ەكەنى انىق. بىراق، ترامپتىڭ كەيبىر كوماندا مۇشەلەرىنىڭ ايتىسىنا قاراعاندا، بۇل كەز استە ءفلينندى جۇمىستان بوساتاتىن كەز ەمەس ەكەن. ولاردىڭ پىكىرىنشە، ترامپ قازىر ءفلينندى جۇمىستان بوساتار بولسا، ونىڭ قىزمەتىنە لايىقتى ادام تابىلا قويمايدى، بۇل ترامپ كومانداسىنىڭ ىشكى السىزدىگىنە اكەلىپ سوقپاق.

ترامپ كومانداسى شىنىندا ونىڭ «ارتقى اۋلاسى» ىسپەتتى. ەگەر ونىڭ «ارتقى اۋلاسى» بەكەم بولماعاندا ونىڭ ءوز ساياساتىن تاباندى جالعاستىرۋى مۇمكىن بولمايدى. دەموكراتتار مەن رەسپۋبليكاشىلدار پارتيالارىنىڭ قارسىلىعىنا قاراماستان ءفلينندى جۇمىسىنان بوساتپاسا ترامپتىڭ ءوزى دە ىرىقسىز كۇيدە قالارى انىق. ال، سوڭعى مالىمەتتەرگە سۇيەنسەك مايكل فلينن ءوز  ەركىمەن جۇمىستان كەتۋگە ءوتىنىش بىلدىرگەن. بۇل ترامپتىڭ شەشىم قابىلداۋىنا كومەكتەسۋى مۇمكىن. الايدا، ترامپتىڭ "ارتقى اۋلاسى" قاۋساپ قالماق.

 “The Qazaq Times”