Reseydiñ Süriyadağı qarulı küşteri. Foto: News Deeply.

Jaqında Resey ükimeti Süriya soğısındağı äskeri şığındarı turalı mälimetterdi tarattı. Mwnday mälimdemeni Federaciyalıq Keñesiniñ Qorğanıs jäne qauipsizdik komitetiniñ törağası Viktor Bondarev jasadı. Onıñ aytuınşa Resey Süriya soğısında 3 jıl işinde 112 jauıngerinen ayırılğan.

Bondarev Reseydiñ Süriya soğısındağı şığının Keñes Odağı twsındağı Auğanstan soğısımen salıstıra jetkizgen. Ol sözinde: «Keñes Odağı Auğanstan soğısınıñ alğaşqı üş jılında şamamen 4 mıñ 800 äskerin,  keminde 60 tanki men 400 sauıttı kölik, 15 wşaq, 97 tikwşağın joğaltqan bolatın», – dedi. Ol jäne Süriyadağı äskeri şığındar turalı aytqanında: «Qarulı küşterimiz  Süriya jerinde 112 äskerin joğalttı. Osı jauıngerlerdiñ jartısına juğı eki retki wşaq apatında qaza tapqan. Bwdan tıs 8 wşaq, 7 tikwşaq jäne birneşe sauıttı kölik şığındaldı», – dedi.

Viktor Bondarev 2003-2006 jıldarı AQŞ-tıñ Iraktağı äskeri şığındarında alğa tartıp ötti. Onıñ aytuınşa, Irak soğısında AQŞ 2500-den astam äskerinen ayırılğan, sonday-aq, 20-ğa juıq tanki men 50 sauıttı avtokölik, 80 tikwşağı joyılğan.

Degenmen, Batıs elderiniñ aqparat qwraldarı osıdan bwrın da Süriyadağı Reseydiñ şığındarı özderiniñ resmi mälimdemelerinen älde qayda köp ekenin jazıp edi.

“The Qazaq Times”