رەسەي سۇرياداعى شىعىنى مەن كەڭەس وداعىنىڭ اۋعانستانداعى سوعىس شىعىنىن سالىستىردى

جاقىندا رەسەي ۇكىمەتى ءسۇريا سوعىسىنداعى اسكەري شىعىندارى تۋرالى مالىمەتتەردى تاراتتى. مۇنداي مالىمدەمەنى فەدەراتسيالىق كەڭەسىنىڭ قورعانىس جانە قاۋىپسىزدىك كوميتەتىنىڭ توراعاسى ۆيكتور بوندارەۆ جاسادى. ونىڭ ايتۋىنشا رەسەي ءسۇريا سوعىسىندا 3 جىل ىشىندە 112 جاۋىنگەرىنەن ايىرىلعان.

بوندارەۆ رەسەيدىڭ ءسۇريا سوعىسىنداعى شىعىنىن كەڭەس وداعى تۇسىنداعى اۋعانستان سوعىسىمەن سالىستىرا جەتكىزگەن. ول سوزىندە: «كەڭەس وداعى اۋعانستان سوعىسىنىڭ العاشقى ءۇش جىلىندا شامامەن 4 مىڭ 800 اسكەرىن،  كەمىندە 60 تانكى مەن 400 ساۋىتتى كولىك، 15 ۇشاق، 97 تىكۇشاعىن جوعالتقان بولاتىن»، – دەدى. ول جانە سۇرياداعى اسكەري شىعىندار تۋرالى ايتقانىندا: «قارۋلى كۇشتەرىمىز  ءسۇريا جەرىندە 112 اسكەرىن جوعالتتى. وسى جاۋىنگەرلەردىڭ جارتىسىنا جۋعى ەكى رەتكى ۇشاق اپاتىندا قازا تاپقان. بۇدان تىس 8 ۇشاق، 7 تىكۇشاق جانە بىرنەشە ساۋىتتى كولىك شىعىندالدى»، – دەدى.

ۆيكتور بوندارەۆ 2003-2006 جىلدارى اقش-تىڭ يراكتاعى اسكەري شىعىندارىندا العا تارتىپ ءوتتى. ونىڭ ايتۋىنشا، يراك سوعىسىندا اقش 2500-دەن استام اسكەرىنەن ايىرىلعان، سونداي-اق، 20-عا جۋىق تانكى مەن 50 ساۋىتتى اۆتوكولىك، 80 تىكۇشاعى جويىلعان.

دەگەنمەن، باتىس ەلدەرىنىڭ اقپارات قۇرالدارى وسىدان بۇرىن دا سۇرياداعى رەسەيدىڭ شىعىندارى وزدەرىنىڭ رەسمي مالىمدەمەلەرىنەن الدە قايدا كوپ ەكەنىن جازىپ ەدى.

“The Qazaq Times”