Foto: sputnik-tj.com

Auğanstannıñ jergilikti policiya küşteri osı eldiñ batısındağı Gerat ualayatındağı ülken öñirlerdi eşbir qaqtığıssız Taliban tobına berdi,- dep habarlaydı «parstoday.com» aqparat agenttigi.

Aqparat agenttiginiñ habarlauınşa, Gerattağı aqparat közderi osı ualayattıñ Farsi audanında jergilikti policiya küşteriniñ şekara beketterinen keri şegingenin, sonıñ saldarınan osı audannıñ 24 auılınıñ Talibannıñ qol astına ötkenin habarladı.

Talibannıñ aqparat ökili keri şeginis barısında 16 policiya qızmetkeriniñ twtqınğa alınğanın ayttı. Keşe auğandıq birneşe aqparat qwralı Auğanstan qauipsizdik küşteriniñ Lugar uälayatında keri şeginip, osı audandağı birqatar qauipsizdik şekara beketteriniñ Taliban tobına tapsırılğanın habarladı. Alayda Auğanstannıñ qauipsizdik basşıları bwl habardı rastamadı.

Auğanstan qauipsizdik küşteriniñ şalğay audandardan keri şeginui bwl elde bükilhalıqtıq saylau ötkizu üderisin qiındıqqa wşıratuı mümkin, öytkeni qauipsizdik küşteri alıs audandardağı saylau uçaskeleriniñ qauipsizdigin qamtamasız etuge jauaptı bolatın.

“The Qazaq Times”