Foto: yeniakit.com.tr

Iran "Izrail' öziniñ yadrolıq qaru-jaraq bağdarlamasın şığaratının halıqaralıq inspektor aldında moyındauı kerek", - dep mälimdeme jasağan. Bwl turalı france24.com/fr habarlaydı.

Iran SİM-niñ bwnday mälimdeme jasauına Izrail' prem'er-ministri Bin'yamin  Netan'yahudiñ Iran astanasında jasırın«atom qoymasınıñ» tabılğanı turalı aytqanı sebep bolğan siyaqtı. 27 qırküyekte BWW Bas Assambleyasınıñ 73-sessiyasında Netan'yahu Irannıñ Tehranda ornalasqan yadrolıq qoymanı jasırıp otırğanına qatıstı habarlağan bolatın. Netan'yahu özi aytqan «qwpiya atom qoymasınıñ» ornalasqan ornı körsetilgen karta men suretterdi de wsındı. Sonımen qatar, ol Izrail'diñ osı aqparattardı Atom eneriyası jönindegi halıqaralıq agent (MAGATE) pen özge elderdiñ arnayı qızmetterine beretinin aytıp, MAGATE inspektorların atalğan aymaqta zertteu jürgizuge şaqırğan bolatın. Onıñ bayandamasında Iran jağınıñ jalpı salmağı 300 tonnağa jetetin kem degende 15 jük konteynerin saqtap otırğanı aytılğan.

Izrail' prem'er-ministri Bin'yamin Netan'yahu

Al, Iran SİM basşısı Zarif: «Izrail' — bizdiñ aymaqtağı «nağız yadrolıq arsenalımen» qosa, «qwpiya» jäne «jariyalanbağan»  yadrolıq bağdarlamağa ie birden bir rejim. Izrail'ge öziniñ yadrolıq zañsız bağdarlamasın halıqaralıq inspektor aldında moyındaytın kezi keldi», - dep habarladı.

Ayta ketu kerek, Izrail'diñ Irannıñ astırtın yadrolıq qoyması turalı mälimdeme jasağanı bir bwl emes. Bwğan deyin de Netan'yahu Izrail'diñ qolında Irannıñ "betperdesin" aşıp beru üşin jetkilikti 100 mıñ qwpiya qwjat bar ekenin, Tehrannıñ yadrolıq bağdarlamasına qatıstı şındıqtı jasıratının habarlağan edi. Endi, 27 qırküyekte ötken BWW Bas Assamblesınıñ 73-sessiyasında Netan'yahu Irannıñ Irannıñ astırtın qoyması bar ekenin ayta kelip, yadrolıq bağdarlaması dep te atalatın "Ortaq qadam" jan-jaqtı kelisimşartına müşe elderdi osı odaqtan bas tartuğa şaqırdı. Alayda, Irannıñ yadrolıq bağdarlamasına qatısuşı elder Netan'yahudıñ mälimdemesine birden jauap berdi. Olar Irannıñ atalğan kelisimşarttıñ qağidaların qatañ saqtap otırğanın mälimdedi. MAGATE-niñ de däl osınday twjırımdama jasağanınan Izrail'diñ Iranğa qatıstı qanşa däleli bolğanına qaramastan, sözi ötpegenin añğaruğa bolatınday.

“The Qazaq Times”