Foto: parstoday

Irannıñ tükpir-tükpirinde ötken biılğı 22 bahman şeruine qatısuşılar mälimdeme jariyalap, AQŞ-tı Irannıñ birinşi dwşpanı dep atadı. Bwl turalı ParsToday habarladı. 

Iran halqı jwma küni 22 bahman şeruiniñ qorıtındı mälimdemesin jariyalap: «Iran halqı AQŞ-tıñ «Ortaq qadam» jan-jaqtı bağdarlamasınıñ baptarın bwzıp, uädede twrmauına qatıstı aşu-ıza men narazılıqtarın bildirip, Aq üydiñ jaña sankciyalar salu, islamnan ürkitu jäne aymaqtağı odaqtastarımen birge Irannan qorqıtu üşin jasap jatqan talpınıstarın ayıptap, Irannıñ jauaptı twlğalarınan kesimdi poziciya wstanıp, äserli aldın alu täsilderin paydalanıp, qarımta jauap berudi kün tärtibine qoyudı swradı.

Iran halqı aymaqtağı islamdıq qarsılasu ağımın qoldap, Saud äuleti men Halife äuletiniñ AQŞ, Wlıbritaniya, sionistik rejim men olardıñ aymaqtağı odaqtastarınıñ qoldauımen Yemen men Bahreynde jasağan qılmıstarın ayıptap, islam äleminde qatigezdik, ekstremizm, jekköruşilikti taratu jäne terrorizmniñ taraluına özderiniñ jiirkenişteri men qarsılıqtarın jariyaladı.

Iran halqı Palestinanı bwrınğıday islam äleminiñ eñ özekti taqırıbı, al qarsılasudı Palestinanıñ japa şekken halqınıñ öz qwqıqtarına qol jetkizuiniñ jalğız jolı dep atap, islam äleminiñ barlıq äleuetterin Palestinanıñ zorlıq-zombılıq körgen halqı men palestinalıq küresker toptarğa öz jerin sionistik rejimniñ basqınşılığınan azat etu jolında kömektesu üşin paydalanudı talap etti»,-dep quattadı.

«The Qazaq Times»