Foto aşıq derekközderden alındı

Wlıbritaniya prem'er-ministri Tereza Meydiñ şeşimi sayasi dauğa äkep soqtı. Europalıq Odaq «memleketti älsiretetin» Brexit josparın maqwldağan joq. Bwl turalı BBC habarladı.

Osı aptada EO-ğa müşe 27 memleket basşıları Austriyanıñ Zal'cburg qalasında bas qosqan bolatın. Kezdesu barısında Birikken Korol'diktiñ odaq qwramınan şığu turalı josparı qızu talqığa tüsti. Biraq, odaq basşıları Meydiñ şilde ayında Çekerstegi ükimet otırısında jariyalağan şeşimine tübegeyli qarsılıq bildirdi. Europalıq keñestiñ jetekşisi Donal'd Tusktiñ oyınşa, «Brexit josparı europalıq narıqtıñ twtastığına nwqsan keltiredi jäne miğa qonımsız jospar».

Al Tereza Mey öz josparınıñ jüzege asatınanı senimdi. Kezdesuden soñprem'er-ministr: «Wlıbritaniya üşin tiimdi wsınıs maqwldanbasa, bizdiñ tarap eşqanday jospar wsınbaydı. Biraq, aldağı uaqıtta ortaq mämilege kelemiz degen senimdemin», – dedi.

"The Qazaq Times"