Foto: www.google.com

AQŞ-tıñ BWW-dağı ökili Nikki Heyli Reseydi Soltüstik Koreyağa qatıstı engizilgen BWW sankciyalarına qatıstı astırtın äreket jasadı dep ayıptadı. Bwl turalı ol AQŞ törağalıq etetin BWW Qauipsizdik Keñesiniñ otırısında mälimdedi.

Resey, Nikki Heylidiñ aytuınşa, BWW-da dauıs beru kezinde sankciyalardı qoldaydı, biraq «sankciya rejimin bwzu boyınşa jwmıs jürgizude». Sonday-aq Amerikanıñ Resey tarapınan naqtı zañ bwzuşılıqtardıñ orın alğanın däleldeytin qwjattar jetkilikti.

BWW-dağı AQŞ ökili «Resey Soltüstik Koreyağa qatıstı sankciyalıq jäne tağılğan ayıptıñ rejimin bwzudı toqtatuı tiis», – dep, zañ bwzuşılıqtardıñ merzimdi emes, twraqtı jäne jüyeli sipatqa ie ekenin ayttı.

Tärtip bwzuşılıq sızbası mınaday: Soltüstik Koreyanıñ teñizdegi kemesine import üşin tıyım salınğan tauarlar, onıñ işinde mwnay men kömir tasımaldanğan. 2018 jıldıñ säuir ayında reseylik «Patriot» kemesi BWW sankciyasımen tıyım salınğan soltüstik koreyalıq kemesine portqa tiisti emes tauarlardı tieu kezinde wstalğan.

Jalpı alğanda mwnday äreketter 148 ret tirkeldi. Osılayşa, AQŞ-tıñ twraqtı ökili Phen'yan kem degende 800 mıñ barrel' kerosin jäne basqa da aralas önimderge qol jetkizgenin anıqtadı.

Sankciyalardıñ bolaşağı

AQŞ jäne KHDR köşbasşıları kelissözderinen keyin yadrolıq qarusızdanu negizgi maqsat bolğan, alayda eki el basşıları äzirge kelissözge is jüzinde qol jetkizgen joq. Sol sebepti qatañ sankciyalar öz küşine enedi.

Resey Phen'yanğa qarsı ekonomikalıq şaralardı engizgeni üşin 11 ret dauıs bergen. Biraq Resey tarapı öz ädesin orındamay, sankciyalıq tärtipti bwzıp otır.

AQŞ pen Qauipsizdik Keñesiniñ basqa da müşeleri Phen'yanğa qarsı sankciyalardı onıñ basşılığı yadrolıq qarudan bas tartu jöninde uäde etilgen qadamdar jasağanşa qatañdatu kerektigin ayttı.

2006 jılı BWW Soltüstik Koreyanıñ zımıran-yadrolıq bağdarlaması arqılı qarjılıq mümkindikterdi şekteu üşin bir auızdan sankciyalar engizgen bolatın. Osıdan keyin Soltüstik Koreyağa kömir, metall, qorğasın, toqıma jäne teñiz önimderin eksporttauğa tıyım salındı jäne tazartılmağan mwnay men kerosin önimderin importtau şekteldi.

BWW-nıñ sayasi bağdarlamalarınıñ jetekşisi Rozmari Dikarlo Qauipsizdik Keñesine eldegi keybir oñ özgeristerge qaramastan, KHDR öziniñ zımıran-yadrolıq qaruların jetildirudi jalğastırğanı üşin «ekonomikalıq regresske wşıratatın» sankciyalar salınadı.

"The Qazaq Times"