اقش: رەسەي كحدر-عا قارسى سانكتسيا رەجيمىن بۇزدى

اقش-تىڭ بۇۇ-داعى وكىلى نيككي حەيلي رەسەيدى سولتۇستىك كورەياعا قاتىستى ەنگىزىلگەن بۇۇ سانكتسيالارىنا قاتىستى استىرتىن ارەكەت جاسادى دەپ ايىپتادى. بۇل تۋرالى ول اقش توراعالىق ەتەتىن بۇۇ قاۋىپسىزدىك كەڭەسىنىڭ وتىرىسىندا مالىمدەدى.

رەسەي، نيككي حەيليدىڭ ايتۋىنشا، بۇۇ-دا داۋىس بەرۋ كەزىندە سانكتسيالاردى قولدايدى، بىراق «سانكتسيا رەجيمىن بۇزۋ بويىنشا جۇمىس جۇرگىزۋدە». سونداي-اق امەريكانىڭ رەسەي تاراپىنان ناقتى زاڭ بۇزۋشىلىقتاردىڭ ورىن العانىن دالەلدەيتىن قۇجاتتار جەتكىلىكتى.

بۇۇ-داعى اقش وكىلى «رەسەي سولتۇستىك كورەياعا قاتىستى سانكتسيالىق جانە تاعىلعان ايىپتىڭ رەجيمىن بۇزۋدى توقتاتۋى ءتيىس»، – دەپ، زاڭ بۇزۋشىلىقتاردىڭ مەرزىمدى ەمەس، تۇراقتى جانە جۇيەلى سيپاتقا يە ەكەنىن ايتتى.

ءتارتىپ بۇزۋشىلىق سىزباسى مىناداي: سولتۇستىك كورەيانىڭ تەڭىزدەگى كەمەسىنە يمپورت ءۇشىن تىيىم سالىنعان تاۋارلار، ونىڭ ىشىندە مۇناي مەن كومىر تاسىمالدانعان. 2018 جىلدىڭ ءساۋىر ايىندا رەسەيلىك «پاتريوت» كەمەسى بۇۇ سانكتسياسىمەن تىيىم سالىنعان سولتۇستىك كورەيالىق كەمەسىنە پورتقا ءتيىستى ەمەس تاۋارلاردى تيەۋ كەزىندە ۇستالعان.

جالپى العاندا مۇنداي ارەكەتتەر 148 رەت تىركەلدى. وسىلايشا، اقش-تىڭ تۇراقتى وكىلى پحەنيان كەم دەگەندە 800 مىڭ باررەل كەروسين جانە باسقا دا ارالاس ونىمدەرگە قول جەتكىزگەنىن انىقتادى.

سانكتسيالاردىڭ بولاشاعى

اقش جانە كحدر كوشباسشىلارى كەلىسسوزدەرىنەن كەيىن يادرولىق قارۋسىزدانۋ نەگىزگى ماقسات بولعان، الايدا ەكى ەل باسشىلارى ازىرگە كەلىسسوزگە ءىس جۇزىندە قول جەتكىزگەن جوق. سول سەبەپتى قاتاڭ سانكتسيالار ءوز كۇشىنە ەنەدى.

رەسەي پحەنيانعا قارسى ەكونوميكالىق شارالاردى ەنگىزگەنى ءۇشىن 11 رەت داۋىس بەرگەن. بىراق رەسەي تاراپى ءوز ادەسىن ورىنداماي، سانكتسيالىق ءتارتىپتى بۇزىپ وتىر.

اقش پەن قاۋىپسىزدىك كەڭەسىنىڭ باسقا دا مۇشەلەرى پحەنيانعا قارسى سانكتسيالاردى ونىڭ باسشىلىعى يادرولىق قارۋدان باس تارتۋ جونىندە ۋادە ەتىلگەن قادامدار جاساعانشا قاتاڭداتۋ كەرەكتىگىن ايتتى.

2006 جىلى بۇۇ سولتۇستىك كورەيانىڭ زىمىران-يادرولىق باعدارلاماسى ارقىلى قارجىلىق مۇمكىندىكتەردى شەكتەۋ ءۇشىن ءبىر اۋىزدان سانكتسيالار ەنگىزگەن بولاتىن. وسىدان كەيىن سولتۇستىك كورەياعا كومىر، مەتالل، قورعاسىن، توقىما جانە تەڭىز ونىمدەرىن ەكسپورتتاۋعا تىيىم سالىندى جانە تازارتىلماعان مۇناي مەن كەروسين ونىمدەرىن يمپورتتاۋ شەكتەلدى.

بۇۇ-نىڭ ساياسي باعدارلامالارىنىڭ جەتەكشىسى روزماري ديكارلو قاۋىپسىزدىك كەڭەسىنە ەلدەگى كەيبىر وڭ وزگەرىستەرگە قاراماستان، كحدر ءوزىنىڭ زىمىران-يادرولىق قارۋلارىن جەتىلدىرۋدى جالعاستىرعانى ءۇشىن «ەكونوميكالىق رەگرەسسكە ۇشىراتاتىن» سانكتسيالار سالىنادى.

"The Qazaq Times"