Foto: Tages-Anzeiger

Şveycariya biligi Reseyden öz elinde zañsız barlau operaciyaların toqtatudı talap etti. Jwma küni jergilikti gazetter köktemde Gaagada tıñşılıq jasadı degen küdikpen eki reseyliktiñ wstalğanın mälimdedi.

Şveycariyanıñ sırtqı sayasi vedomstvosınıñ qwjatında: «Sırtqı ister basqarması Reseydi Şveycariya jerindegi nemese özge de nısandarğa qatıstı barlıq zañsız operaciyalardı dereu toqtatuğa şaqıradı», – delingen. Mälimdemede atap ötkendey, şveycariyalıq SİM biıl reseylik elşi tıñşılıq operaciyalar turalı habarlamalarğa alañdauşılıq bildiru maqsatında üş ret şaqırğan.

Şveycariyalıq «Tages-Anzeiger» gazeti jäne gollandtıq «NRC Handelsblad» agenttigi öz derekközderine silteme jasay otırıp, eki reseylik azamat köktemde Gaagada tıñşılıq jasağanı üşin tergeu alınğanın ayttı.

Basılımdardıñ mälimetteri boyınşa, reseylikterde zerthananıñ komp'yuterlik jelisin bwzuğa arnalğan jabdıqtar bolğan jäne ekeui de GRU qızmetkerleri.

Europalıq BAQ-tıñ aqparatı boyınşa, Skripal' isi boyınşa materialdardı zerttegen şveycariyalıq zerthanağa tıñşılıq äreket jasağan reseylikter birneşe europalıq elderdiñ birlesken operaciyası nätijesinde wstaldı.

Berndegi Prokuratura eki reseylik adamğa qatıstı qılmıstıq is 2017 jıldıñ naurız ayında jürgizilgenin habarlaydı. Olardıñ esimderi atalmağan.

Atalğan mäsele boyınşa, jeksenbi küni şveycariyalıq «Sonntags Zeitung» gazeti qauipsizdik jönindegi jergilikti agenttikterdiñ biriniñ bağalauı boyınşa Şveycariyadağı ärbir törtinşi reseylik diplomat elge arnayı tapsırmamen kelip, astırtın äreketterdi jüzege asıradı. Sol üşine Resey aldağı uaqıtta öz isterine jauap berui tiis. Biraq, Şveycariyadağı Resey elşiligi bwl ayıptı negizsiz dep tanıdı.

Wlıbritaniya jäne AQŞ-pen aradağı kelispeuşilikti retteuge tırısıp baqqan Resey ükimeti endi Şveycariya tarapınan aytılğan şeşimge köz jwmıp qarauı ekitalay.

"The Qazaq Times"