Foto: eadaily.com

Bügin Europalıq komissiyanıñ basşısı Jan-Klod YUnker Strasburgte europalıq köşi-qon sayasatın reformalauğa qatıstı mälimdeme jasaydı dep kütilude. Ol osı arqılı, Europa odağındağı wltşıldıq pen ksenofobiyanıñ artuın toqtatudı közdeydi, dep jazadı El País basılımı.

Aldın ala habarlarğa qarağanda, Eurokomissiya 18 bastama men köşi-qon mäselesine qatıstı üş zañdı joba wsınbaq.  YAğni, şekara men jağalauda 10 mıñ adamğa deyin jetetin federaldı küzet qwru, zañsız bosqındarğa bassauğa beru men olardı deportaciyalaudı jedeldetu isterin üylestiru siyaqtı mäselelerge bağıttaluı mümkin.

Bryussel'diñ mälimetinşe, 2017 jılı zañsız bosqındardı europalıq elderden köşiru turalı bwyrıqtıñ tek 36,6%-ı ğana orındalğan.

 “The Qazaq Times”