Foto: EPA

«Germaniya Qarulı küşteri Başar Asad rejimine qarsı äskeri operaciyağa qatısuı mümkin», - dep jazadı «Bil'd» germaniyalıq iri aqparat basılımı.

Basılımnıñ mälimetinşe, Germaniyanıñ Qorğanıs ministri Ursula fon der Lyayen AQŞ, Wlıbritaniya jäne Franciyanıñ odaqtıq küşterine qosılu mümkindikterin qarastıruda. Amerikalıq tarap Germaniya ükimetine osınday ötiniş jasağan. Sonımen qatar, nemis äskerleri mwnday qadamğa Başar Asad Ibdib qalasına şabuıl kezinde ulauşı zattekterdi tağı da qoldanğan jağdayda baruı mümkin ekenderin eskertken.

Eske sala ketu kerek, bwdan bwrın Germaniya kancleri Angela Merkel' nemis äskerileriniñ Asad rejimine qarsı operaciyağa qatısuına tıyım salğan edi. Sonımen qatar, Türkiya prezidenti Rejep Tayıp Erdoğan Asad pen onıñ odaqtastarın Idlib qalasındağı şabuıldan saqtandırğan edi. Al, Aq üy basşısı Donal'd Tramp eger Idlibte qan tögilse, AQŞ-tıñ «aşuğa minetinin» mälimdegen bolatın. Öz kezeginde, Franciya Qarulı küşteri Bas ştabınıñ basşısı Fransua Lekuantr da eger Şamğa (Damask) şabuıl kezinde himiyalıq qaru qoldansa, Süriyadağı nısandarğa soqqı jasauğa dayın ekenin eskertken edi. Aqparat közderiniñ mälimetinşe, qazirgi uaqıtta  Asad rejimi Resey men Irannıñ qoldauımen «terroristermen küresu» degen jeleumen süriyalıq köterilisşilerdiñ soñğı anklavına şabuıl dayındau üstinde.

“The Qazaq Times”