Foto: armenpress.am

Korey respublikasınıñ ÄQ ökili qarusızdandırılğan aymaqtağı Oñtüstik pen Soltüstiktiñ ortaq beybit jobaların dayındau ayasında minalardı joyu üşin arnayı ortalıq qwru kerektigin aytıp, dabıl qaqtı. Bwl turalı france24.com/fr habarlaydı.

Korey Halıqtıq Demokratiyalıq Respublikası (KHDR) men Korey Respublikasınıñ arasındağı qarusızdandırılğan aymaqtı tolıqtay minasızdandıruğa 200 jıl ketpek. Bwl turalı särsenbi, 4-qırküyekte Koreya respublikasınıñ qwrlıq äskeri böliminiñ ökili habarlağan. Äskeri qızmetkerdiñ sözinşe, osı minasızdandıru isine Oñtüstik Koreyadağı barlıq injenerlik bölimşeler jwmıldırılğan künniñ özinde, tehnologiyanıñ bügingi deñgeyimen procesti eki jüz jıldan az uaqıtta jüzege asıru mümkin emes. Osığan baylanıstı, qarulı küşter ökili qarusızdandırılğan aymaqtağı Oñtüstik pen Soltüstik beybit jobalarınıñ dayındığı ayasında arnayı ortalıq qwru qajettiligi tuındaytının aytqan.

Beyresmi mälimet boyınşa, 1953 jıldan beri eki el arasındağı şekarada jayau äsker men tankterge eki millionnan astam qarsı mina ornatılğan. Odan bölek, su tısqındarı men nöser jauındar jıl sayın minalardıñ orındarınıñ auısuına äser etedi. Sondıqtan, olardıñ naqtı ornın bilu mümkin emes. "Sol üşin, qarusızdandırılğan aymaqtı qolmen minasızdandıru üşin sol territoriyanıñ ärbir santimetrin tekseruge tura keledi", - dedi äskeri ökil.

“The Qazaq Times”