Foto: Säule Aytpaeva

Elimizde jıl basınan beri 124 bala suicidke barğan. Bwl turalı keşe, 3 qırküyek küni ükimettegi baspasöz jiınında Balalar qwqığı jönindegi uäkil Säule Aytpaeva habarladı.

Onıñ sözinşe, jınıstıq küş körsetu isi boyınşa da 78 qılmıs tirkelgen. Bwdan bölek balalarğa qatıstı, sonıñ işinde kämeletke tolmağan balalardıñ da qatısuımen jasalğan özge de qılmıstar köp tirkelgen. S.Aytpaeva jiında Abay auılında joğarı sınıp oquşıları tarapınan zorlanğan balağa qatıstı qılmıstı da söz etip, onıñ sabaqqa barğanın ayttı. Degenmen, balağa qatıstı odan özge aşıq aqparat bermedi.  «Bizdegi bilim beru procesi Konstituciya boyınşa mindettelgen. Qanday jağday bolsa da, olar orta bilim aluğa mindetti», - degen ol. Öz ezeginde İşki ister ministrligi de osı 8 ay işinde balalarğa qatıstı 1,3 mıñnan astam qılmıs jasalğanın habarladı.

“The Qazaq Times”