فوتو: ساۋلە ايتپاەۆا

ەلىمىزدە جىل باسىنان بەرى 124 بالا سۋيتسيدكە بارعان. بۇل تۋرالى كەشە، 3 قىركۇيەك كۇنى ۇكىمەتتەگى ءباسپاسوز جيىنىندا بالالار قۇقىعى جونىندەگى ۋاكىل ساۋلە ايتپاەۆا حابارلادى.

ونىڭ سوزىنشە، جىنىستىق كۇش كورسەتۋ ءىسى بويىنشا دا 78 قىلمىس تىركەلگەن. بۇدان بولەك بالالارعا قاتىستى، سونىڭ ىشىندە كامەلەتكە تولماعان بالالاردىڭ دا قاتىسۋىمەن جاسالعان وزگە دە قىلمىستار كوپ تىركەلگەن. س.ايتپاەۆا جيىندا اباي اۋىلىندا جوعارى سىنىپ وقۋشىلارى تاراپىنان زورلانعان بالاعا قاتىستى قىلمىستى دا ءسوز ەتىپ، ونىڭ ساباققا بارعانىن ايتتى. دەگەنمەن، بالاعا قاتىستى ودان وزگە اشىق اقپارات بەرمەدى.  «بىزدەگى ءبىلىم بەرۋ پروتسەسى كونستيتۋتسيا بويىنشا مىندەتتەلگەن. قانداي جاعداي بولسا دا، ولار ورتا ءبىلىم الۋعا مىندەتتى»، - دەگەن ول. ءوز ەزەگىندە ىشكى ىستەر مينيسترلىگى دە وسى 8 اي ىشىندە بالالارعا قاتىستى 1,3 مىڭنان استام قىلمىس جاسالعانىن حابارلادى.

“The Qazaq Times”