Foto: bbc.com

«Resey demokratiyalıq özgerister üşin pisip-jetildi, biraq Putin talanttı qarsılasqa şıdamaydı»,-deydi Times Aleksey Naval'nıyğa jäne oğan şığarılğan ükim qarsañında jazılğan redakciyalıq maqalada dep jazdı BBC.

Kirovtıñ Lenin audandıq sotı Naval'nıydı şarttı türde 5 jılğa bas bostandığınan ayıru jäne «Kirovlesa» attı is boyınşa  500 mıñ rubl' köleminde ayıppwl salu ükimin şığardı. Ükimmen sayasatker kelispeymin jäne şağımdanamın deydi.

Bir kezderi Kreml' basşısın «Qwbırdağı qwrbaqağa» teñegen, ataqtı sözderdi aytqan reseylik dissident Aleksey Naval'nıydıñ 2018 jılı ötetin prezidenttik saylauğa qatısu mümkindigi joq siyaqtı»- deydi basılım.

«Eşqanday bayıptı oppoziciya mwnımen Vladimir Putinniñ saylau kezinde qayta saylanuına qauip töndirmeydi» dep jalğastıradı Times.

Keşegi ükimnen mister Naval'nıy emes, Reseydiñ özi jeñildi, dep payımdaydı gazet. Putin basqarğan jıldardı Times Reseydiñ jas azamattarın sayasi «ätekterge» (evnuh) aynaldırğan, «nemqwraylıq, şıdamsızdıq pen toqırau däuiri» dep ataydı.

«Naval'nıydıñ küşi onıñ Resey qalalarındağı jas twrğındar arasında ümit otın jandıra biluinde» dep belgileydi basılım.

«Naval'nıyda kölemdi narazılıqtarğa adamdardı jwmıldıru darını bar» dep jalğastıradı Times. Basşılıq osıdan qorqadı.

Reseyde gazettiñ sanauı boyınşa «millionnan asatın 15 qala» bar jäne köpşiligi eldi naşar basqarıp otırğan bilikke äbden narazı. Naval'nıydıñ dauısı qwr dalağa ketken ayqayğa wqsamaydı. Ol Reseyde özgeris engizu üşin alıs nısanamen oyın jürgizu kerek ekenin biledi. Jäne «Tiri qalu kerek». Biz oğan oñayğa tüspeytin eki iste de sättilik tileymiz,- dep redakciyalıq maqalasın qorıtındılaydı Times.

Fariza Mwqanova

«The Qazaq Times»