Foto: Ferederika Mogerini

Batıs Balqan elderi qwramına kirmeyinşe, Euroodaq tolıqqandı odaq bolıp sanalmaydı. Bwl turalı, särsenbi küni EO diplomatiyasınıñ basşısı Ferederika Mogerini Venadağı EO-tıñ 28 eliniñ Sırtqı ister jäne Qorğanıs ministrleriniñ beyresmi kezdesuinde mälimdegen.

«EO jobası Batıs Balqan elderi europalıq otbasınıñ müşesi bolmayınşa, ayaqtalmaydı. Bizge bwnı geografiya, ekonomika, tipti qauipsizdik salaları körsetude. Bizge salsa, EO esigin aşıq qaldırar edik», - degen ol EO Keñesindegi avstriyalıq törağalıqtıñ Bryussel'diñ Batıs Balqan elderine qatıstı sayasatın qoldaytının da aytqan. Keşe, särsenbi küni keşke Avstriya astanası Venada EO-nıñ 28 eliniñ Qorğanıs ministrleriniñ beyresmi kezdesui bastaldı. Onda Europa odağınıñ Jerorta teñizindegi bosqındardı qwtqarumen aynalısatın «Sofiya» missiyasınıñ jan-jaqtı josparın qayta qarau turalı mäsele talqılanadı dep kütilude. Odan bölek, 30-31 tamızda Avstriya astanasında EO elderiniñ SİM basşılarınıñ da kezdesui ötpek. Negizi, Batıs Balqan elderiniñ Odaq qwramına kirui köpten kütilgen jayt. Endi, F.Mogerini osı mäsele qaytadan kün tärtibine şığarılsa,  EO jwmısı tolıqqandı boladı dep kütetinin mälimdep otır.


“The Qazaq Times”