Foto: Körneki suret

Eger, bügin, yağni 24  tamızda ötetin kezdesude Euroodaq bosqındar mäselesine qatıstı Italiyağa kömek körsetu üşin naqtı şeşim qabıldamasa, «Bes jwldız qozğalısı» Italiyanıñ 20 mlrd eurolıq salımına qatıstı dauıs beruden bas tartadı. Bwl turalı atalğan qozğalıstıñ vice-prem'eri Luidji Di Mayo mälimdegen, - dep jazadı avim.org.tr.

"Kezdesu barısında Diciotti kemesi men Italiyağa keluşi bosqındarğa qatıstı naqtı şeşim qabıldanuı tiis", - dep mälimdegen Di Mayo. Bwdan bwrın Euroodaqtıñ Italiyağa bosqındar mäselesine qatıstı kömegi jetpey jatqanın aytıp, prem'er-ministr Djuzeppe Konte, İşki ister ministri, vice-prem'er Matteo Sal'vini  jäne Sırtqı ister ministri Enco Moavero Milanezi de mälimdeme jasağan edi. Sal'vini Euroodaq bosqındar mäselesine qatıstı Italiyağa kömek qolın sozbasa, onda özderiniñ zañsız bosqındar tielgen kemeni Liviyağa qaytaratının eskertken bolatın. Osınıñ aldında da habarlanğanday, italiyalıq jağalau qızmetiniñ kemesi Diciotti 177 zañsız bosqındı alğan. Alayda, olarğa Euroodaq osı bosqındardı qay elge jiberetinin naqtı şeşkenge deyin ğana uaqıtşa baspana berilgen. Sonımen qatar, osıdan bwrın europalıq bes el olardı qabıldauğa dayın ekendikterin habarlağanmen, keyin EO elderi bwl şeşimderinen bas tartqan. Euroodaq zañına säykes,  oğan müşe-elder bosqındardı qabıldauğa mindetti sanalmaydı.

Äri, Italiyanıñ jaña ükimeti 2018 jıldıñ mausımınan bastap, zañsız bosqındardı tasitın ükimettik emes wyımdardıñ kemelerine öziniñ porttarına kiruge tıyım salğan.

“The Qazaq Times”