2018 jılğı tamızdıñ 20-ı men 25-i aralığında Qarağandı oblısınıñ «Spassk» oqu-jattığu ortalığınıñ bazasında «Altın üki – 2018» VIII halıqaralıq mergender sayısı ötedi. Bwl turalı QR Qorğanıs ministrligi resmi habarladı. 

«Altın üki» kubogına älemniñ 11 elinen, aytalıq – Auğanstan, Belorussiya, Bel'giya, Wlıbritaniya, Ündistan, Italiya, Qıtay, Qırğızstan, Qazaqstan, Päkistan, Reseydiñ mergenderi baq sınasadı.  Baqılauşılar retinde sayısqa  Amerika Qwrama Ştattarı, Birikken Arab Ämirlikteri, Oñtüstik Koreya men Türkiyanıñ ökilderi qatısadı. Bes kün boyı mergender ärtürli qaşıqtıqtan, jıldamdıqtan, ärtürli nısanalar boyınşa oq atudan, kündizgi jäne tüngi uaqıtta jürip ötken jerlerin bağdarlau boyınşa  bäsekege tüsedi.

«Altın üki» halıqaralıq sayısı 2008 jıldan bastap ötkizilip keledi. Atalğan elderdiñ arasında sayısqa alğaş ret qatısqalı otırğandarı da bar. Sayıstı josparlau men wyımdastıru kezinde AQŞ, Iordaniya, Belorussiya, Resey jäne älemniñ özge elderiniñ mergender sayısına birneşe märte qatısqan qazaqstandıq swrmergenderdiñ  täjiribesi eskerildi. Mergender öneriniñ Aziyalıq forumı ayasında ötkiziletin «Altın üki» kubogınıñ oynatıluı mıqtı käsibi baylanıs ornatu jäne sayıs qatısuşıları arasında täjiribe almasu mindetterin jükteydi.

“The Qazaq Times”