Izrail' armiyası jağınan 158 adam oqqa wşqan. Foto: The Conversation.

Izrail' särsenbi küni Gaza sektorına äue şabuıldarın bastadı. Bwğan qarsı Palestina azattıq qozğalısına qarastı küşter Izrail' şekarasına qarata zımıran şabuılın jasadı. BWW-nıñ Tayau Şığıstağı beybitşilik procesi jönindegi arnayı ökili Mladov Palestina men Izrail' arasında kezekti qaqtığısqa alañdauşılıq bildirdi.

Izrail' qarulı küşteriniñ aytuınşa, izrail'dik äskeri wşaqtar HAMAS-qa tiesili oqu-jattığu alañdarı men qaru-jaraq qoymaların şabuıl nısanası etken. Äri, bwl äreketteri özderine qaratılğan zımıran şabuılına aldın ala berilgen jauap ekenin aytqan. Izrail' qarulı küşteriniñ mälimdemesinde: «Kezekti qaqtığıstıñ barlıq jauapkerşiligi HAMAS-tıñ moynında», – delingen.

Palestina resmi ökilderiniñ aytuınşa, äue şabuılınan jazıqsız äyel men balası qaza tapqan.

Al, Izrail' tarabı bergen mälimette, särsenbi küni keşten bastap, Izrail'ge qarata 80 zımıran atılğanı aytıladı.

BWW-nıñ Tayau Şığıstağı beybit procesine arnayı ökili Mladov sözinde: «Eger bwl retki qaqtığıs der kezinde toqtatılmasa, şielenisti şeşudiñ jolı azayıp, tübinde eki eldegi halıq ta zardap şegetin boladı», – dedi.

Bwl retki qaqtığısqa deyin Izrail' men HAMAS arasında kelissözder jasalıp, törtinşi ret soğıstı toqtatu kelisimine kelgen edi.

Hamastıñ joğarı lauazımdı adamı Halil äl-Hayya «äl-Jazirağa» bergen swhbatında: «BWW men Mısırdağı is-qimıldar eleuli nätijege qol jetkizedi deuge boladı. Biz osı jasalıp jatqan şaralar oñ nätije beredi dep ümittenemiz», – degen.

Izrail' Parlament müşeleriniñ biri: «Biz Gaza mäselesi boyınşa jaña däuirdiñ bastalğanına senemiz», – deydi.

Palestinalıqtar naurızdan beri qaray Gaza men Izrail' şekarasında narazılıq şeruin jalğastırıp keledi. Al, Tel'-Aviv tarabı bolsa sol uaqıttan bastap Izrail'diñ qwrılğanınıñ 70 jıldığına dayındalğan edi. Naurızdan beri qaray Izrail' armiyası tarabınan 158 adam öltirilgen. Alayda, evrey jasaqtarı olardıñ köbi Izrail'ge kirudi maqsat etken radikal küşter dep qaraydı.

Bwdan bwrın Tel-Aviv Hamas wyımı terrorlıq äreketterdi jasıru üşin osı narazılıq şarasın wyımdastırdı dep mälimdegen. Alayda, Hamas onı joqqa şığardı.

 “The Qazaq Times”