Euroodaq pen Iran AQŞ-tıñ yadrolıq kelisimşarttan şığuınıñ saldarın talqıladı

Singapurde Irannıñ Sırtqı ister ministri Mohammed Djavad Zarif pen Europa odağınıñ sırtqı sayasat qwrılımınıñ jetekşisi Federika Mogerinidiñ arasında resmi kezdesu ötti. Bwl turalı «20minutes.fr» agenttigi Irannıñ SİM baspasöz qızmetine silteme jasap habarlaydı.

Kezdesu barısında M.D.Zarif pen F.Mogerini AQŞ-tıñ äreketteriniñ kesirinen qauipti jağdayda qalğan Tehrannıñ (Tegeran) müddesin saqtaudı talqıladı. «Mohammed Djavad Zarif pen Federika Mogerini Euroodaq pen yadrolıq bağdarlamadan AQŞ zañsız  türde şıqqannan keyingi Irannıñ paydalarınıñ saqtaluına bağıttalğan älemdik qauımdastıq şaraların qarastırdı» , - delingen Iran Sırtqı ister ministrliginiñ habarlamasında.

Bärimizge belgili, osı jıldıñ 8-mamırda AQŞ prezidenti Donal'd Tramp Uaşingtonnıñ Irannıñ yadrolıq bağdarlamasınan şığatının jäne Iranğa qarsı barlıq sankciyalardı qayta jañğırtatının mälimdegen edi. Osı kelisimşarttıñ basqa qatısuşıları AQŞ-tıñ bwl qadamına qarsı şığıp, Iranmen aradağı bwrınğı kelisimşarttardı saqtap qaluğa nietti ekendikterin habarlağan edi. Endi, Euroodaq ökili Iranmen osı mäsele jöninde birqatat kelisimge bardı, - dep habarlaydı «20minutes.fr».

 “The Qazaq Times”