«7-20-25» ipotekalıq  bağdarlaması  resmi iske qosılğannan beri twrğın üy narığında bäseke jandandı. Jwrtşılıq jappay memlekettik bağdarlamağa qwjat tapsırıp jatqanın añdağan jeke qwrılıs kompaniyaları «7-20-25» bağdarlamasımen bäselekelese alatın tiimdi şarttarın wsınuda. Mäselen, Aqtau qalasındağı sonday jeke kompaniyalardıñ biri halıqqa üstemaqısız bes jılğa bölip töleuge mümkindik beretin bağdarlamanı iske qostı. Alğaşqı klientteri qoldarına üydiñ kilti men qwjatın alıp, baspanalarına qonıstandı. Bastı artıqşılıq payız joq. Bölip töleudiñ jılın wzartuğa boladı.

Halıqqa qolaylı şarttarın wsınğan «Niet  stroy servis» JŞS jäne «Alma- real  partnership» qwrılıs kompaniyasınıñ direktorı Sängül Amanjolovanıñ aytuınşa, talap boyınşa jaña päterdiñ iesi alğaşqı jarna retinde negizgi qwnnıñ  30 payızın töleu kerek, al qalğan 70 payızınan 5 jıl işinde qwtıluı tiis. Ol öz sözinde: «Baspanağa  mwqtaj halıqqa kiltin, üyiniñ  qwjattarın tabıstap jatırmız. Bwl jerde biz bank emespiz. Üstine payız qosa almaymız. Payız qosqanda emespiz. Qospaymız da», - dep, tiimdi şarttıñ halıq üşin paydası zor ekenine toqtaldı. Sebebi, jaqında osı kompaniya jaqında 5 otbasığa özderi alğa tartqan şart boyınşa päter kiltin tabıs etti. Al, alğaşqı 30 payızın tölep, qalğan 70 payızın 5 jılda eş payızsız töleuge mükindik alğan Aqtau qalasınıñ twrğındarı kompaniya ökilderine rahmetin aytıp, rizaşılığın bildirude.

Aygül Töleeva, Aqtau qalasınıñ twrğını:

  • Bizge mümkindik berip, armanımızdı orındauğa qol üşin bergen qwrılıs kompaniyasına alğısımız şeksiz. Baspanağa zäru kez-kelgen twrğın men jastarğa bwl bastama tiimdi dep oylaymın. Bes jıl boyı eş üstemaqısız töleymiz. Payızsız öz bağasına satıp jatqandarına köp rahmet!

Ivan jäne Ol'ga Zençenka, Aqtau qalasınıñ twrğındarı:

  • Bir qarağanda senu qiın. Öytkeni, baspanağa arnalğan qanday bağdarlama bolmasın, barlığında payız qosıladı. Narıq zañdılığında är dünieni payızsız elestetu mümkin emes qoy. Biraq, biz eş payızsız baspanağa ie bolıp otırmız. Qattı quanıştımız! Bwl halıqqa tiimdi, paydalı is dep esepteymin.

«Niet  stroy servis» JŞS jäne «Alma- real  partnership» qwrılıs kompaniyasınıñ direktorı Sängül Amanjolovanıñ habarlauınşa, biıl tiimdi şartpen baspanağa qol jetkizetin jandardıñ qatarı artpaq. Sebebi, qwrılıs kompaniyası  osı jıldıñ soñında bir köpqabattı twrğın üydi qoldanısqa berudi josparlap otır. Negizinde Aqtaudağı 16-şağın audannan 0,5 gektarlıq eki jerden qwrılıs bastalğan. Al, birinşi bolıp satıp aluşılarğa berilip jatqan twrğın üy 11 qabattan twradı. Bwl üyde 180 päter ornalasqan. Eñ bastısı, üydiñ bağası da köñilge qonımdı. Päterdiñ 1 şarşı metri 120 mıñ teñgege teñ. Qazirgi uaqıtta mwnday bağa halıqtıñ qaltasına auırlıq tüsirmeytini aqiqat. Ärine, 2016-2017 jıldarı 150-160 mıñ, tipti 180 mıñ teñgeden satılğan kezder bolıptı. Alayda, artıq paydadan göri baspanağa mwqtaj jandardıñ qamın oylağan kompaniya basşılığı ol bağanı tömendetipti.

“The Qazaq Times”