«7-20-25» يپوتەكالىق  باعدارلاماسى  رەسمي ىسكە قوسىلعاننان بەرى تۇرعىن ءۇي نارىعىندا باسەكە جانداندى. جۇرتشىلىق جاپپاي مەملەكەتتىك باعدارلاماعا قۇجات تاپسىرىپ جاتقانىن اڭداعان جەكە قۇرىلىس كومپانيالارى «7-20-25» باعدارلاماسىمەن باسەلەكەلەسە الاتىن ءتيىمدى شارتتارىن ۇسىنۋدا. ماسەلەن، اقتاۋ قالاسىنداعى سونداي جەكە كومپانيالاردىڭ ءبىرى حالىققا ۇستەماقىسىز بەس جىلعا ءبولىپ تولەۋگە مۇمكىندىك بەرەتىن باعدارلامانى ىسكە قوستى. العاشقى كليەنتتەرى قولدارىنا ءۇيدىڭ كىلتى مەن قۇجاتىن الىپ، باسپانالارىنا قونىستاندى. باستى ارتىقشىلىق پايىز جوق. ءبولىپ تولەۋدىڭ جىلىن ۇزارتۋعا بولادى.

حالىققا قولايلى شارتتارىن ۇسىنعان «نيەت  ستروي سەرۆيس» جشس جانە «الما- رەال  partnership» قۇرىلىس كومپانياسىنىڭ ديرەكتورى سانگۇل امانجولوۆانىڭ ايتۋىنشا، تالاپ بويىنشا جاڭا پاتەردىڭ يەسى العاشقى جارنا رەتىندە نەگىزگى قۇننىڭ  30 پايىزىن تولەۋ كەرەك، ال قالعان 70 پايىزىنان 5 جىل ىشىندە قۇتىلۋى ءتيىس. ول ءوز سوزىندە: «باسپاناعا  مۇقتاج حالىققا كىلتىن، ءۇيىنىڭ  قۇجاتتارىن تابىستاپ جاتىرمىز. بۇل جەردە ءبىز بانك ەمەسپىز. ۇستىنە پايىز قوسا المايمىز. پايىز قوسقاندا ەمەسپىز. قوسپايمىز دا»، - دەپ، ءتيىمدى شارتتىڭ حالىق ءۇشىن پايداسى زور ەكەنىنە توقتالدى. سەبەبى، جاقىندا وسى كومپانيا جاقىندا 5 وتباسىعا وزدەرى العا تارتقان شارت بويىنشا پاتەر كىلتىن تابىس ەتتى. ال، العاشقى 30 پايىزىن تولەپ، قالعان 70 پايىزىن 5 جىلدا ەش پايىزسىز تولەۋگە مۇكىندىك العان اقتاۋ قالاسىنىڭ تۇرعىندارى كومپانيا وكىلدەرىنە راحمەتىن ايتىپ، ريزاشىلىعىن بىلدىرۋدە.

ايگۇل تولەەۆا، اقتاۋ قالاسىنىڭ تۇرعىنى:

  • بىزگە مۇمكىندىك بەرىپ، ارمانىمىزدى ورىنداۋعا قول ءۇشىن بەرگەن قۇرىلىس كومپانياسىنا العىسىمىز شەكسىز. باسپاناعا ءزارۋ كەز-كەلگەن تۇرعىن مەن جاستارعا بۇل باستاما ءتيىمدى دەپ ويلايمىن. بەس جىل بويى ەش ۇستەماقىسىز تولەيمىز. پايىزسىز ءوز باعاسىنا ساتىپ جاتقاندارىنا كوپ راحمەت!

يۆان جانە ولگا زەنچەنكا، اقتاۋ قالاسىنىڭ تۇرعىندارى:

  • ءبىر قاراعاندا سەنۋ قيىن. ويتكەنى، باسپاناعا ارنالعان قانداي باعدارلاما بولماسىن، بارلىعىندا پايىز قوسىلادى. نارىق زاڭدىلىعىندا ءار دۇنيەنى پايىزسىز ەلەستەتۋ مۇمكىن ەمەس قوي. بىراق، ءبىز ەش پايىزسىز باسپاناعا يە بولىپ وتىرمىز. قاتتى قۋانىشتىمىز! بۇل حالىققا ءتيىمدى، پايدالى ءىس دەپ ەسەپتەيمىن.

«نيەت  ستروي سەرۆيس» جشس جانە «الما- رەال  partnership» قۇرىلىس كومپانياسىنىڭ ديرەكتورى سانگۇل امانجولوۆانىڭ حابارلاۋىنشا، بيىل ءتيىمدى شارتپەن باسپاناعا قول جەتكىزەتىن جانداردىڭ قاتارى ارتپاق. سەبەبى، قۇرىلىس كومپانياسى  وسى جىلدىڭ سوڭىندا ءبىر كوپقاباتتى تۇرعىن ءۇيدى قولدانىسقا بەرۋدى جوسپارلاپ وتىر. نەگىزىندە اقتاۋداعى 16-شاعىن اۋداننان 0,5 گەكتارلىق ەكى جەردەن قۇرىلىس باستالعان. ال، ءبىرىنشى بولىپ ساتىپ الۋشىلارعا بەرىلىپ جاتقان تۇرعىن ءۇي 11 قاباتتان تۇرادى. بۇل ۇيدە 180 پاتەر ورنالاسقان. ەڭ باستىسى، ءۇيدىڭ باعاسى دا كوڭىلگە قونىمدى. پاتەردىڭ 1 شارشى مەترى 120 مىڭ تەڭگەگە تەڭ. قازىرگى ۋاقىتتا مۇنداي باعا حالىقتىڭ قالتاسىنا اۋىرلىق تۇسىرمەيتىنى اقيقات. ارينە، 2016-2017 جىلدارى 150-160 مىڭ، ءتىپتى 180 مىڭ تەڭگەدەن ساتىلعان كەزدەر بولىپتى. الايدا، ارتىق پايدادان گورى باسپاناعا مۇقتاج جانداردىڭ قامىن ويلاعان كومپانيا باسشىلىعى ول باعانى تومەندەتىپتى.

“The Qazaq Times”