Foto: eadaily.com

«DAIŞ» terrorlıq wyımı Täjikstandağı şeteldik turisterdiñ öltirilgenine qatıstı terrorlıq isti öz moyındarına aldı. Bwl turalı SITE wyımı ekstemisterdiñ aqparattıq resurstarına silteme jasap habarlaydı.

Täjikstan İİM-niñ mälimetinşe, jeksenbi küni şamamen sağat 15:30-da Hatlon oblısına qarastı Dangar audanında tört adamı bar jeñil kölik velosipedpen ketip bara jatqan jeti adamnan qwralğan turister tobına ädeyi soqtığısqan. Üş turist oqiğa ornında qaza tauıp, al auır jaraqat alğan bireui auruhanada köz jwmğan. Qalğandarı jeñil jaraqat alğan. Qaza tapqandardıñ arasında AQŞ-tıñ eki azamatı, Şveycariyanıñ jäne Niderlandtıñ azamattarı bar.

Täjikstannıñ qwqıq qorğau wyımdarı eldiñ oñtüstigindegi Hatlon oblısındağı şeteldik turisterge şabuıl jasağan tağı üş küdiktiniñ twtqındalğanı turalı habarladı. «İzdeude jürgen üş qılmısker Dangarin audanınıñ Osmondar auılında wstaldı», - delingen Täjikstan İİM-niñ jedel habarlamasında.

“The Qazaq Times”