Foto: kamuoyu.org

AFP agenttiginiñ habarlauınşa, Päkistannıñ Kvetta qalasındağı saylau bölimşesiniñ mañında dauıs beru kezinde jarılıs orın alğan. Elde bügin, 25 şildede jalpıwlttıq jäne aymaqtıq saylau ötip jatqanı turalı habarlağan agenttik, osı jarılıs kezinde 28 adamnıñ köz jwmğanı turalı da habar tarattı.

Soñğı zertteuler boyınşa, terrorist ğimarat işine kirmek bolğan. Biraq, policiya onı toqtatuğa tırısqan sätte, jarılıs orın alğan. Resmi organdardıñ habarlauınşa, qaza tapqandardan bölek, tağı 35 adam auır jaraqat kesirinen häl üstinde jatır. Qazirgi tañda qauipsizdik şaraları engizilip, äskeriler men arnayı qızmet ökilderinen qwralğan 371 mıñ adam tärtip küzetude. Ayta ketu kerek, Päkistandağı saylaualdı nauqan kezinde de terorlıq aktiler tirkelgen. 13 şilde küni Mastung qalasında terrorlıq şabuıl orın alıp, saldarınan 150 adam qaza tapqan edi. Päkistan ükimeti äzirge osı jarılıstardıñ naqtı qanday terrorlıq wyım tarapınan wyımdastırılğanın anıqtay almağan. Qazirgi tañda tergeuler jürgizilip, bwl oqiğağa jauaptılar izdestirilude.

“The Qazaq Times”