Foto: haberler.com

HAMAS qozğalısı EO Keñesiniñ HAMAS -tı terrorlıq top dep tanığan şeşimin alıp tastau turalı Europa sotına talap tüsirdi. Bwl turalı «haberler.com» habarlaydı.

Eske salayıq, 2018 jıldıñ 21 naurızında Euroodaq Keñesi terrorizmmen küres şaraları jürgizilui tiis toptar men wyımdardıñ, twlğalardıñ tizimin jañartqan edi. Osı tizimge engizilgen HAMAS qozğalısınıñ ökilderi bwl şeşimdi qate dep qana sanamaytındıqtarın, sonımen qatar, derbes toptardıñ qwqığına qol swğu dep bağalaytındıqtarın ayttı. Negizi, Euroodaq 2001 jıldıñ jeltoqsan ayında HAMAS-tı terrorlıq top qatarına jatqızatındığı turalı şeşim qabıldağan edi. Al, 2014 jılı Europa sotı onı osı tizimnen alıp tastağan bolatın. Biraq, osı jıldıñ naurız ayında şeşimin qayta özgertken Euroodaqtıñ HAMAS-tı terrorlıq wyım dep sanağan pikirine Izrail', Kanada, AQŞ jäne Japoniya elderi de qosılatındıqtarın mälimdedi. Iordaniyada onıñ qızmetine tıyım salınğan. Avstraliya men Wlıbritaniyadağı osı qozğalıstıñ äskeri qanatınıñ özi terrorlıq wyım tizimine jatadı.

“The Qazaq Times”