AQŞ prezidenti Donal'd Tramp kezekti mälimdemesinde Resey prezidentimen tağı bir märte resmi kezdesu jasauı mümkin ekenin mälimdedi. Bwl turalı VOA habarlağan bolatın.

Tramp öziniñ Tvitter paraqşasında düysenbi küni ötken kezdesu turalı: «Ülken jetistikterge jettik, tek jwrtşılıqtıñ dwşpanına aynalğan jalğan aqparattarğa kelise almaymın», – dedi. Ol jäne Putinmen ekinşi ret kezdesudi ümit etetinin, kelesi kezdesu talqılanğan köptegen mañızdı mäseleni iske asıru üşin asa qajetti ekenin de aytıp ötti.

Osımen bir uaqıtta Resey prezidenti Vladimir Putin AQŞ-tağı sayasi küşterdi kezdesudiñ sipatın bwrmaladı dep ayıptadı. Ol jäne mwnday pikirler AQŞ-tıñ özine ğana ziyan jetkizetinin aytqan.

Putin sözinde: «Biz keybir sayasi küşterdiñ Qwrama Ştatta özderiniñ sayasi ambiciyasın jüzege asıru üşin, özderiniñ iskerlik toptarınıñ müddesin ğana qorğau üşin AQŞ-Resey qarım-qatınasın qwrban etetinin, milliondağan dollar kölemindegi kelisimşarttardı joğaltıp, Resey narığınan da bas tartıp, nätijesinde AQŞ-tı da tığırıqqa tireytinin körip otırmız», – dedi.

Putinniñ oyınşa, düysenbi küni ötken kezdesu «Eki elge de tiimdi bağıttarğa jol aşadı».  Degenmen, düysenbi küni eki eldiñ prezidenti qanday kelisimder jasasqanı, qanday uädelerge qol alısqanı turalı anıq mälimet taratılmadı.

“The Qazaq Times”