Foto: YouTube

Japoniya prem'er-ministri Sindzo Abe 10 aqpan AQŞ-qa saparlay barmaq. Ol AQŞ prezidenti Donald Tramppen sauda, investiciya, sırtqı ister jäne äskeri ister turasında köpjaqtı keñester ötkizbek.

Qıtay Şinhua (Sinhua) agenttiginiñ habarına qarağanda, kezekti sapardan bwrın Japoniya ükimeti jan-jaqtı dayındıqtar jasağan. AQŞ-Japoniya arasındağı sauda-ekonomika, investiciya sekildi mañızdı salalardan milliardtağan qarjınıñ jolı şeşilmek. Sindzo Abenıñ bwl saparı Amerika men Japoniya arasındağı al'yanstı nığaytuğa bağıttalıp otır. Sonımen qatar, eki el arasında sauda-ekonomikadağı kelispeuşilikterdi bir jaqtılı etpek.

Japon prem'er-ministri ötken jılı qaraşa ayında, AQŞ prezident saylauınıñ nätijesi şıqqannan keyin de saparlay barğan bolatın. Ol kezde bilikke ie bola qoymağan Tramppen bir jarım sağattay keñeste bolıp qaytqan. Sol kezde Abe Sindzo bwl kelissözderdi «nağız jürektilik», al Tramp bolsa selbestik jasauğa bolatın adam dep bağalap ketken edi. Al ötken aydıñ soñında ekeui telefon arqılı tildesken. Resmi sapar uaqıtı belgilengennen keyin Aqüy baspasöz qızmeti: « Eki el köşbasşıları ekijaqtı sauda jäne investiciyalıq qarım-qatınastı tereñdetuge kelisti», – degen habarlamasın jariyalanğan bolatın.

Eki el basşıları qalayda, AQŞ pen Japoniya ekonomikasına tıñ serpilis berudi josparına aladı. Bwl Şığıs Aziya men Soltüstik Amerikanıñ ekonomikasına da äseri bar. AQŞ Tramptıñ şeşimimen köpjaqtılı sauda kelisimderinen bas tartıp, ekijaqtı kelisimder jasauğa tırısuda. Şığıs Aziyadan AQŞ-pen selbestik ornatuda Japoniya Qıtaydıñ aldın orap ketti. Qazirgi kezde, qıtaylıq aqparat qwraldarı Sindzo Abenıñ basqan-twrğanın qalt jibermey jazıp, japon men qwrama ştattar arasındağı qarım-qatınastardı jiñişkelikpen taldauda. Tramp taqqa otırğalı AQŞ-tıñ Qıtayğa degen ıqılası suıp twr.

Saparğa deyin japon investiciyasınıñ Qwrama Ştattarda belsendiligin saqtau üşin josparlar tüzildı. Bwl eki el birlesken qwnı 450 mlrd $ infraqwrlımdıq narığın da qamtidı. Aldağı 10 jılda japon ükimeti men kompaniyaları AQŞ infraqwrılımdarına 150 mlrd AQŞ dollarındıq investiciya saludı közdep otır. Bwl maqsatqa jetu üşin bes basqıştan twratın investiciya almasu josparı da dayın twr. Alayda, japondıq joğarı därejeli keybir şeneunikter, kelisim barısında müddeler qayşılığınan mañızdı josparlardıñ orındalmay qaluınan alañdaydı. Eki el arasında ayırbasqa tüskeli twrğan investiciya kölemi, keybir damuşı elderdi älemniñ aldına şığaruğa jetedi. AQŞ-Japoniya eki jaqtı kelisimi eñ aldımen AQŞ-qa tiimdilik äkeledi deydi qıtay sarapşıları. Tınıq mwhittıq sauda kelisimenen bas tartqan AQŞ üşin eki jaqtı kelisimder auaday qajet. Japon-Amerika qatınası bwdan da jaqınday tüsui bek mümkin.

“The Qazaq Times”