Jeksenbi, Tegeran, Iran Joğarğı Wlttıq qauipsizdik komiteti Bas hatşısı Äli Şamhani (oñ jaqta) Siriya isi jönindegi Reseydiñ arnayı elşisi Aleksandr Lavrent'evti qabıldadı. Foto: Salemi / Associated Press

AQŞ-tağı sayasi talqığa qatısqan amerikalıq, europalıq jäne arab joğarı lauazımdı sayasatkerleri: «Tramp Resey-Iran arasındağı diplomatiyalıq jäne äskeri odaqtastıqtı bwzudıñ joldarın qarastıradı», – degen boljam jasadı. Olardıñ oyınşa bwl Trampqa Süriya (Siriya) janjalın toqtatu jäne Islam elderine qarsı küresti küşeytu üşin kerek eken. Bwl turalı “The Washington Times” habarlaydı.

Bwl sayasatkerlerdiñ aytısına qarağanda, Tramp bir jağınan Putinmen qarım qatınastı jaqsartuğa qadam qoyıp, endi bir jağınan Irannıñ äskeri ıqpalın tejeuge tırısadı. Sebebi, Iran Orta-Şığıstağı Reseydiñ mañızdı odaqtası bolıp keldi. Tramp osı ekijaqtılı, äri jüzege asuı qiın jaña strategiyanı jasauğa müddeli.

Bwl turasında amerikandıq sayasatkerlerdiñ biri: «Tramp apta soñındağı jasağan bayandamasında da Putinnıñ pikirin älsiretuge tırıstı. Alayda, Aqüy tarabı Reseyge qwşaq jayması anıq. Tipti, Putinnıñ ayğayına da qwlaq türmeydi», - degen oyın aytadı. Onıñ oyınşa qazirgi AQŞ-Resey qarım-qatınası Keñes odağı men Amerikanıñ qırği-qabaq soğısı kezeñine wqsaydı. Al prezident Tramp osı jağdaydağı basımdıqtı qolğa keltiru üşin Irandı auızdıqtauğa tırısadı. Eger, Iran men Resey arasında qanday da bir arazdıq bolıp jatsa, AQŞ onı paydalanuğa dayın.

Soñğı bir aptada Tramp pen Wlttıq qauipsizdik keñesi müşeleri qatısqan, europalıq joğarı lauazımdı sayasatkerler talqısı bolğan edi. Talqı nätijesi boyınşa: Iran men Resey arasında dau-janjal joq, alayda, eki eldiñ qarım-qatınası bülinbeuine de eşkim kepildik bere almaydı. Putinnıñ qanday qarımta qaytaratını äli belgisiz.

“The Qazaq Times”