Tehran qalasında satuşılar şeruge şıqtı. Foto: Anadolı.

Iran ortalıq qalası Thranda (Tegeran) satuşılar jappay şeruge şıqtı. Olar ekonomikalıq dağdarısqa qarsı ükimettiñ därmensizdigin sınğa alğan. Olardı taratpaq bolğan policiya qızmetkerleriniñ äreketi el jwrtşılığınıñ narazılığına wşıradı. Şeru kezinde tüsirilgen beyne körinisterde policiya qızmetkerleri satuşılardıñ mülkin qiratqanı anıq bayqaladı. Bwl turalı «Anadolı» aqparattıq agenttigi habarlaydı.

Taraptar işki ister ministri Abdurriza Rahmani Fazalige qısım tüsirude. Baspasöz mäjilisi kezinde de jurnalister policeylerdiñ dükender men kölikterdi büldiru äreketterine jauap swradı. Degenmen, Fazali policiya qızmetkerlerin aqtay söylep: «Keybir tergeu äreketterin jüzege asıru üşin policeyler osınday äreketke mäjbür boldı. Al bwl qatardağı beyne körinisterdiñ bäri derlik senimdi emes», – degen.

Ekonomikalıq sankciya jäne basqa qısımdar Iran ekonomikasın şayqaltıp twr. Bıltır jeltoqsan ayında rejimge qarsı äleumettik dümpu Tehran biligin kütpegen sındarğa duşar etken edi.

“The Qazaq Times”