تەھران قالاسىندا ساتۋشىلار شەرۋگە شىقتى. فوتو: انادولى.

يران ورتالىق قالاسى تھراندا (تەگەران) ساتۋشىلار جاپپاي شەرۋگە شىقتى. ولار ەكونوميكالىق داعدارىسقا قارسى ۇكىمەتتىڭ دارمەنسىزدىگىن سىنعا العان. ولاردى تاراتپاق بولعان پوليتسيا قىزمەتكەرلەرىنىڭ ارەكەتى ەل جۇرتشىلىعىنىڭ نارازىلىعىنا ۇشىرادى. شەرۋ كەزىندە تۇسىرىلگەن بەينە كورىنىستەردە پوليتسيا قىزمەتكەرلەرى ساتۋشىلاردىڭ مۇلكىن قيراتقانى انىق بايقالادى. بۇل تۋرالى «انادولى» اقپاراتتىق اگەنتتىگى حابارلايدى.

تاراپتار ىشكى ىستەر ءمينيسترى ابدۋرريزا راحماني فازاليگە قىسىم تۇسىرۋدە. ءباسپاسوز ءماجىلىسى كەزىندە دە جۋرناليستەر پوليتسەيلەردىڭ دۇكەندەر مەن كولىكتەردى ءبۇلدىرۋ ارەكەتتەرىنە جاۋاپ سۇرادى. دەگەنمەن، فازالي پوليتسيا قىزمەتكەرلەرىن اقتاي سويلەپ: «كەيبىر تەرگەۋ ارەكەتتەرىن جۇزەگە اسىرۋ ءۇشىن پوليتسەيلەر وسىنداي ارەكەتكە ءماجبۇر بولدى. ال بۇل قاتارداعى بەينە كورىنىستەردىڭ ءبارى دەرلىك سەنىمدى ەمەس»، – دەگەن.

ەكونوميكالىق سانكتسيا جانە باسقا قىسىمدار يران ەكونوميكاسىن شايقالتىپ تۇر. بىلتىر جەلتوقسان ايىندا رەجيمگە قارسى الەۋمەتتىك ءدۇمپۋ تەھران بيلىگىن كۇتپەگەن سىندارعا دۋشار ەتكەن ەدى.

“The Qazaq Times”