Foto: Hasan Ruhani

Iran prezidenti Hasan Ruhani AQŞ-tıñ jaña sankciyalarına qarsı äreket etuge dayın ekenin mälimdedi, - dep habarlaydı france24.com/fr agenttigi. Onıñ mälimdeuinşe, Iran Islam respublikasınıñ işki qorları men halıqaralıq valyutalıq rezervteri jetkilikti.

«Tipti el basına öte qiın jağday tusa da, men irandıqtardıñ negizgi qajettilikterden tarşılıq körmeytindikterine uäde beremin. Bizde qant ta, biday da, ösimdik mayı da jetedi. Biz şeteldik valyutağa öte baymız», - degen ol.

Keşe, 26 mausımda AQŞ-tıñ Memlekettik departamentiniñ ökili tilşilerge AQŞ-tıñ Irannıñ mwnay eksportın nölge tüsiruge nietti ekenin habarlağan edi. AQŞ-tıñ memlekettik hatşısı Mayk Pompeo bwdan bwrın da Iranğa salınatın sankciya «tarihtağı eñ qatal sankciya boladı» , - dep mälimdegen bolatın. Endi, osığan oray Ruhani AQŞ qanday sankciya salsa da, dayın ekenin mälimdeude.

“The Qazaq Times”