Auğanstanda bitimgerlik mälimdemesinen keyin jarılıs boldı. Foto: Anadolı.

Auğanstan ükimetiniñ basşısı Eşref Gani Talibanmen aradağı atıstı toqtatu bitiminiñ merzimin birjaqtı wzartatının mälimdedi. Gani bwl mälimdemesin Auğanstannıñ telearnası arqılı tarattı. Degenmen, atıstı toqtatu bitiminiñ merzimin naqtı qay uaqıtqa deyin wzartatını turalı aşıp aytpadı.

Gani bwl şeşimniñ bastı maqsatı elde beybitşilik ornatu ekenin, Taliban tarabınan osığan say jauap kütetinin jetkizdi. Sonımen birge eldegi ükimet jağı özderiniñ beybit bitimge degen ıntasın äygileu üşin qamaudağı 46 Taliban müşesin bosatqan. Eger, Taliban tarabı bitimgerlik qadamdarın jasasap, ükimettiñ bastamasına oñ jauap qaytarsa, qamaudağı barlıq Taliban müşelerin bosatpaq.

Taliban tarabı ükimet basşısınıñ mälimdemesine jauap qaytarmadı. Auğanstan ükimeti bıltır jıl soñında jäne biılğı jıldıñ bas şeninde talibanmen bitimge kelu, elde beybitşilik ornatu üşin kelisimge keluge şaqırğan. Tipti, Talibanda Auğanstandağı resmi sayasi top retinde moyındaudı da alğa qoyğan. Sol negizde, 20 mausımğa deyin Talibanğa qarsı atıstı toqtatu şeşimin jariyalağan.

Alayda, bwğan Taliban tarabı ükimet küşteri kütkendey jauap bere qoymadı. Esesine, ayt qarsañında jariyalanğan bitimgerlik mälimdemesinen keyin, terrorlıq toptar jankeşti jarılıs jasadı. Terrorlıq şabuıldan 20 adam qaza bolıp, 16 adam jaraqat aldı. Talibannıñ osıdan bwrınğı mälimdemesinde, oraza ayt merekesine oray üş kün atıstı toqtatu şeşimin jariyalağan.

Qazir Auğanstan jağdayı öte kürdeli. Süriya men Irakta jeñilis tapqan DAIŞ terrorlıq wyımı Auğanstanğa jinaluda. Olar bastapqıda eldegi Taliban küşterimen territoriyağa talasıp qaqtığısqan. Keyin, eki top arasında jasırın kelisimder boldı degen boljamdar bar. Talibannıñ DAIŞ-pen birigip ülken küşke aynaluınıñ aldın alu üşin ükimet tarabı Talibandı kelisimge şaqırğan bolatın.

“The Qazaq Times”