Foto: mk.ru

«Älem Çempionatı – 2018» futboldan älem çempionatında reseylikterden oysıray jeñilgen Saud-Arabiyasınıñ qwrama futbolşıları tärtiptik jazağa tartıladı. Bwl turalı «eadaily.com» agenttigi Saudiya futbol federaciyasınıñ basşısı Adel' Izzattıñ resmi mälimdemesine silteme jasap habarlaydı.

«Älem çempionatınıñ aşıluındağı jeñilisimiz bizge qattı batuda. Bizdiñ dayındığımızdıñ deñgeyi bwnday körsetkişke say emes edi. Sondıqtan bwl qanağattanarlıq nätije emes», - dep mälimdegen A.Izzat. Sonday-aq, ol ayıppwldı äsirese qaqpaşı Abdullah äl-Mayyufqa, şabuılşı Mwhammed äs-Sahlavige jäne qorğauşı Omar Havsavige salatının da aytıp ötti. Alayda ol ayıppwl mölşerin aşıp aytpadı.

Keşe, 14 mausımda Reseyde «Älem çempionatı – 2018» futbol matçı bastalğanı bärimizge belgili. Jarıstıñ birinşi küni reseylik qwrama komandamen kezdesken saudiyalıqtar 5:0 esebimen jeñilgen edi.

“The Qazaq Times”