Qıtayda ötip jatqan «Men änşimin» (I Am a Singer) konkursınıñ üşinşi kezeñi tartıstı ötti. Bwl turda qazaq änşisi, jas talant Dimaş Qwdaybergen üşinşi orınnan körindi. Al, birinşi orındı qıtaylıq änşi, Tan Jiñ (谭晶, Tan Jing) jeñip aldı.

Tan Jiñ – Qıtaydıñ Memlekettik birinşi därejeli änşisi. Ol 1977 jılı 11 qırküyek küni Şanşi (山西) provinciyasınıñ Houma (侯马) qalasında düniege kelgen. Negizi, Şanşi Qıtaydıñ soltüstik öñiri sanaladı. Ol kezindegi Türkler mekendengen aymaq. Tan Jiñnıñ Wltı – hanzu. Alayda, osı öñirdegi twrğındardıñ köbi keşegi dala köşpendilerimen tığız aralasqan. Qazir «qıtay» atalğan halıqtıñ birazı tarihtağı köşpendi türkterdiñ jwrnağı dep aytılıp jür. Sondıqtan da, änin jaqsı qabıldadıq. Änşiniñ özi de Dimaştı jäne onıñ jaqınnan qoldauşısı bolıp jürgen qıtaydağı qandasımız, änşi Aray Aydarhanwlı ekeuin üyine şaqırıp, qonaq qılıptı. (Tömendegi surette)

Qıtay änşisi Tan Jiñ Dimaş pen Araydı üyine qonaqqa şaqırdı.

Al, Tan Jiñ orındağan äniniñ atı «Sezim seli». (欲水, Yu Shui) (negizgi mağınası osınday) Änniñ tolıq mazmwnın jeldirte audarğanda bılay bolıp keledi: «Samal esti, jañbır tökti, tüsinedi olar jürekti. Jañbır, jel barlığın biledi, Al, seniñ dauısıñ tım älsiz, estilmeydi. Mwñımdı tabiğat tüsingedey, Adamdar kekesinmen küle qaraydı, Jürektegi mwzdar erip, köz jası bolıp tögildi. Täñirim bizge jartı baqıt sıyladı. Esiñde äli barmın ba?!.» Bwnıñ da negizgi mağınası osılay.

Änniñ qıtayşa mätini

Dauısı men än mazmwnı, tür-kelbeti säykesken äri sahnalıq obrazı sätti şıqqan änşiniñ tıñdarmandı özine baurap, birinşi orındı alğanı sodan bolsa kerek.

Änşiniñ tağı bir obrazı

Eskerte keterligi, bayqau barğan sayın kürdelenip keledi. Biz, Dimaş bauırımızğa Täñir jar bolıp, tek jeñisti orınnan körinuge tilektespiz.

«The Qazaq Times»