قىتايدا ءوتىپ جاتقان «مەن ءانشىمىن» (I Am a Singer) كونكۋرسىنىڭ ءۇشىنشى كەزەڭى تارتىستى ءوتتى. بۇل تۋردا قازاق ءانشىسى، جاس تالانت ديماش قۇدايبەرگەن ءۇشىنشى ورىننان كورىندى. ال، ءبىرىنشى ورىندى قىتايلىق ءانشى، تان جيڭ (谭晶، Tan Jing) جەڭىپ الدى.

تان جيڭ – قىتايدىڭ مەملەكەتتىك ءبىرىنشى دارەجەلى ءانشىسى. ول 1977 جىلى 11 قىركۇيەك كۇنى شانشي (山西) پروۆينتسياسىنىڭ حوۋما (侯马) قالاسىندا دۇنيەگە كەلگەن. نەگىزى، شانشي قىتايدىڭ سولتۇستىك ءوڭىرى سانالادى. ول كەزىندەگى تۇركلەر مەكەندەنگەن ايماق. تان جيڭنىڭ ۇلتى – حانزۋ. الايدا، وسى وڭىردەگى تۇرعىنداردىڭ كوبى كەشەگى دالا كوشپەندىلەرىمەن تىعىز ارالاسقان. قازىر «قىتاي» اتالعان حالىقتىڭ ءبىرازى تاريحتاعى كوشپەندى تۇركتەردىڭ جۇرناعى دەپ ايتىلىپ ءجۇر. سوندىقتان دا، ءانىن جاقسى قابىلدادىق. ءانشىنىڭ ءوزى دە ديماشتى جانە ونىڭ جاقىننان قولداۋشىسى بولىپ جۇرگەن قىتايداعى قانداسىمىز، ءانشى اراي ايدارحانۇلى ەكەۋىن ۇيىنە شاقىرىپ، قوناق قىلىپتى. (تومەندەگى سۋرەتتە)

قىتاي ءانشىسى تان جيڭ ديماش پەن ارايدى ۇيىنە قوناققا شاقىردى.

ال، تان جيڭ ورىنداعان ءانىنىڭ اتى «سەزىم سەلى». (欲水، Yu Shui) (نەگىزگى ماعىناسى وسىنداي) ءاننىڭ تولىق مازمۇنىن جەلدىرتە اۋدارعاندا بىلاي بولىپ كەلەدى: «سامال ەستى، جاڭبىر توكتى، تۇسىنەدى ولار جۇرەكتى. جاڭبىر، جەل بارلىعىن بىلەدى، ال، سەنىڭ داۋىسىڭ تىم ءالسىز، ەستىلمەيدى. مۇڭىمدى تابيعات تۇسىنگەدەي، ادامدار كەكەسىنمەن كۇلە قارايدى، جۇرەكتەگى مۇزدار ەرىپ، كوز جاسى بولىپ توگىلدى. ءتاڭىرىم بىزگە جارتى باقىت سىيلادى. ەسىڭدە ءالى بارمىن با؟!.» بۇنىڭ دا نەگىزگى ماعىناسى وسىلاي.

ءاننىڭ قىتايشا ءماتىنى

داۋىسى مەن ءان مازمۇنى، ءتۇر-كەلبەتى سايكەسكەن ءارى ساحنالىق وبرازى ءساتتى شىققان ءانشىنىڭ تىڭدارماندى وزىنە باۋراپ، ءبىرىنشى ورىندى العانى سودان بولسا كەرەك.

ءانشىنىڭ تاعى ءبىر وبرازى

ەسكەرتە كەتەرلىگى، بايقاۋ بارعان سايىن كۇردەلەنىپ كەلەدى. ءبىز، ديماش باۋىرىمىزعا ءتاڭىر جار بولىپ، تەك جەڭىستى ورىننان كورىنۋگە تىلەكتەسپىز.

«The Qazaq Times»