Foto: lemonde.fr

Saud-Arbiya biligi mwrager hanzada Mwhammed Bin Salmannıñ qaytıs bolğanı turalı habardı joqqa şığardı, dep habarlaydı france24.com/fr agenttigi. Mwnday habardıñ taraluına hanzadanıñ biraz uaqıttan beri jwrt közine körinbeui sebep bolğan.

Londonda jarıq köretin «Asharq Al-Awsat» basılımı hanzada Salman men Liviyanıñ prem'er-ministri Fayyaz Sarradjdıñ kezdesu barısındağı suretterin jariyalap, aqparat taratqan. Bwdan bwrın, irandıq aqparat qwraldarınıñ habarlauımen 21 säuirdegi jüzege asırılmay qalğan memlekettik töñkeris kezinde Salmannıñ qaza tapqanı turalı aqparat keñinen tarap ketken edi. Onıñ üstine, arab aqparat qwraldarınıñ habarlauınşa, hanzada turalı osınday qauesettiñ taraluına Saud-Arabiyası resmi wyımdarınıñ tarapınan onıñ tiri ekendigine qatıstı eşqanday aqparat berilmegeni sebep bolğan. Qazirdiñ özinde, bwğan deyin işki sayasatta da, sırtqı sayasatta da öte belsendilik tanıtıp jürgen hanzada aqparat alañınan körinbey jür. Tipti, keybir sayasatkerler men sarapşılar onıñ densaulığına qatıstı kinärat bar boluı mümkin degen boljamdar aytuda. Degenmen, joğarıda habarlağanımızday, Saud-Arabiya ükimeti onıñ tiri ekenin mälimdegen.

“The Qazaq Times”