BWW bosqındar üşin tez arada kömek swrap, dabıl qaqtı

Birikken Wlttar Wyımı (BWW) süriyalıq bosqındar üşin mindettelgen järdem aqşalardıñ tek 20 %-nıñ ğana jinalğanına nazar audartıp, «şwğıl» türde kömek kerek ekenin habarladı. Bwl turalı «yeniakit.com.tr» agenttigi habarlaydı.

Süriyalıq bosqındar üşin qwrılğan byudjettegi aqşanıñ azayğanın aytıp dabıl qaqqan BWW, «donor» elderdi tez arada kömek körsetuge şaqırdı. Wyımnıñ habarlauışa, jinaladı dep eseptelgen 4 milliard 400 mıñ dollardıñ tek 20 %-ı jinalğan.

Osı beysenbi küni Iordaniyada jasalğan mälimdemede süriyalıq bosqındardıñ azıq-tülik, bilim, densaulıq jäne qolma-qol aqşa siyaqtı qajettilikteri ötelip otırğan kömek bağdarlamadarında qarjılıq qiındıq payda bolğanı bildirildi. Mälimdemede aymaqtıq twtastıq pen bosqındar josparı ayasında 2018 jıl üşin 5 milliard 600 million dollar qajet bolğanın eskertildi. Jospar ayasında körşi elder Iordaniya, Livan, Irak, Türkiya jäne Mısırdağı süriyalıqtar negizgi qajettiliktermen qamtamasız etiledi dep kütilgen.

BWW Bosqındar isi jönindei Joğarı komissariatınıñ Orta Şığıs pen Soltüstik Afrika bağıtındağı direktorı Amin Avad, jinalğan 20 % kölemindegi qarjınıñ jetkiliksiz ekenin,  azamattıq soğıstıñ ayaqtaluına qatıstı qanday da bir sayasi şeşim tabudıñ özine qarjı kerek ekenin tilge tiek etti.

BWW-nıñ mälimetterine qarağanda, Süriyadağı azamattıq soğıs bastalğan 2011 jıldan büginge deyin şamamen 5 million 600 mıñ adam körşi elderge bas sauğalağan. Al, 6 millionğa juıq süriyalıq el işinde qaşıp küneltude eken.

“The Qazaq Times”