AQŞ-tıñ Tınıq mwhittağı äskeri küşteri. Foto: VOA.

Pentagon tağıda mälimdeme jasap, Qıtaydıñ Oñtüstik Qıtay teñizindegi jasandı araldarda jürgizip jatqan militarizaciyası Qwrama Ştattardı qorqıta almaytının eskertti.  Äri, qaqtığıs qaupi arta tüsse de AQŞ tarabı navigaciya bostandığın qorğaudı jalğastıra tüsetinin mälimdedi. Bwl turalı The Wall Street Journal basılımı habarladı.

AQŞ-tıñ Birikken ştab bastığı jäne Teñiz korpusınıñ basşısı, general-leytenant Kennet Makkenzi AQŞ-ta Qıtaydıñ jasandı araldarın joyu mümkindigi barma degen swraqqa: «Meniñ jay ğana aytqım keletini – Qwrama Ştattardıñ Tınıq mwhitınıñ batıs jağalauındağı jasandı araldardı joyuğa bay täjiribesi bar», – dedi. Ol jäne: «Bizdiñ Ekinşi dünie soğısınan qalğan oqşaulanğan araldardı joyuda täjiribemiz jetkilikti. Bwl AQŞ armiyasınıñ bastı qabileti. Qıtay bwl sözderde artıq ketpegeni jön, sebebi bwl tarihi faktiler», – dedi.

Soñğı kezderi AQŞ teñiz küşteri Oñtüstik Qıtay teñizinde birqatar äskeri jattığulardı ötkizude. Şişa araldarına jaqındap barğan amerikalıq eki soğıs kemesi solardıñ biri ğana. Qıtay biligi bwl äreketterge narazılıq joldauda. Degenmen, Qıtay SİM ökili mälimdemesinde: «AQŞ-tıñ Oñtüstik Qıtay teñizindegi äskeri küşteri Qıtay jäne osı teñizge körşiles elderdiñ äskeri aktivterinen älde qayda köp», – dedi.

“The Qazaq Times”