Foto: HAMAS qozğalısı

Izrail'diñ twraqtı ökili Danni Danon BWW-nıñ Qauipsizdik Keñesine HAMAS qozğalısın resmi türde terrorlıq wyım dep tanuğa şaqırdı. Bwl turalı 24heures.ch agenttigi habarlaydı.

Bwdan bwrın Gaza sektorınan Izrail' tarapına bağıttalğan zımırandarğa baylanıstı AQŞ BWW-nıñ Qauipsizdik Keñesiniñ şwğıl otırısın ötkizudi swrağan edi. Otırıs qarsañında Izrail'diñ twraqtı ökili HAMAS qozğalısınıñ izrail'dik azamattarğa qarsı şabuılınıñ BWW-nıñ Qauipsizdik keñesinde talqılanuın oñ qadam dep atadı. «Alayda, QK müşeleri tek sözben ğana şektelip qalmay, kürdeli äreketterge köşileri kerek. Men BWW-nıñ Qauipsizdik Keñesin HAMAS qozğalısın resmi türde terrorlıq wyım dep atauğa şaqıramın», - dedi Danon.

Atalğan agenttiñ habarlauınşa, 29 mamır küni izrail'dik tarap Gaza sektorına soqqı jasağan. Olardıñ bwl äreketterine Gaza sektorı şekarasınan atılğan zımırandar şabuılı sebep bolğan. Şabuıl saldarınan HAMAS-tıñ 30 äskeri nısanı joyıldı.  Palestinalıq HAMAS qozğalısı Izrail', AQŞ, Kanada, Japoniya elderi men Eurodaq tarapınan terroristik wyım bolıp tanılğan.

“The Qazaq Times”