Foto: AFP

Islam memleketi terrorlıq wyımınıñ şabuılı saldarınan Süriyanıñ Mayadin qalasınıñ mañında süriyalıq 26 äsker men 9 reseylik qaza taptı. Bwl turalı Süriya Adam qwqıqtarın baqılauğa arnalğan monitoringte habarlandı, dep jazadı «Agence France-Presse» agenttigi.    

Atalğan ortalıqtıñ şwğıl habarlamasında «Ükimettik küşterdiñ 35 äskeri öltirildi. Onıñ işinde, kem degende 9 reseylik bar. Qaza tapqan osı reseylik azamattardıñ keybiri äskeri qızmetker edi» , - delingen. Al qalğan 26 adam prezident Başar Asadtıñ qaramağındağı küştiñ qwrılımda qızmet etken. Qazirgi tañda Resey ükimeti osı oqiğanıñ män-jayın anıqtauda. Bwdan bwrın Deyr äz-Zor provinciyasında reseylik eki äskeri keñesşi qaza tauıp, tağı beseui qattı jaraqattanğan edi. Halıqaralıq baqılauşılar bwl da Mayadin töñiregindegi şabuılmen baylanıstı dep bağa berude.

“The Qazaq Times”