Foto: “The Qazaq Times”

«Bayan swlu» konditerlik fabrikası «BAYAN SULU — 2018. Halıqtıq beyne — Halıq tañdauı» jobasın wyımdastırıp, qazaqtıñ nağız Bayanınıñ qanday bolatınına tañdau jasadı. Bügin, Almatıda osı bayqaudıñ qorıtındısına baylanıstı baspasöz qwraldarına arnalıp ötken jiında, wyımdastıruşılar alqası bayqauğa qatıstı köptegen mälimetterimen bölisti.

Esteriñizge salayıq, bayqau onlayn-dauıs beru türinde ötip, 13 mamır küni eñ köp dauıs jinağan 5 qatısuşınıñ esimi anıqtalıp, finaldıq kezeñge ötken bolatın. Aqırı, 19 mamırda ğılım, mädeniet, dizayn, BAQ ökilderi jäne media-twlğalardan qwralğan ädilqazılar alqasınıñ qatısuımen türli kezeñderden ötken qatısuşılar arasınan nağız «Bayan swluğa» tañdau jasaldı. Mıñdağan arudıñ arasınan 19 jastağı astanalıq aru Adinay Rimhaş oq boyı ozıq şıqqan.

«Bwl bayqaudı wyımdastıruımızğa jıl basında efirge şıqqan «Qozı Körpeş — Bayan swlu» serialı türtki boldı. Özderiñizge de belgili, atalğan serial halıqqa wsınılğannan keyin, köpşilik  tarapınan Bayan swludıñ obrazına qatıstı türli sındar tolastamadı. Halıq serialdıñ bas keyipkeriniñ boyınan qazaqtıñ Bayanın köre almaytındarın aytıp, narazılıq bildirdi. Aqırı, bizdiñ fabrikamızdıñ atauı da qazaqtıñ qasterli esimimen, añız twlğasımen baylanıstı bolğandıqtan, qarap qala almadıq. Biz öz atımızğa layıq türde, Bayan swludı tanıstırudı jön kördik», - dedi Wyımdastıru alqasınıñ törağası Marlen Abulğazinov.

Wyımdastıruşılardıñ aytuınşa, jeñimpazdı anıqtau qiınğa soqqan. Sebebi, ümitkerlerdiñ barlığı da bir-birinen ötken swlu äri qazaq qızınıñ bar qasietin boylarına jinağan. «Sondıqtan, biz tek Bayan swludıñ bet-beynesine layıq dep tanılğan Adinaydı ğana emes, finalğa ötken özge tört qatısuşımızdı da türli sıylıqtarmen marapattadıq», - deydi wyımdastıruşılar. Jeñimpaz-aru super-jülde avtokölikke ie bolıp, "Bayan swlu" konditerlik fabrikasınıñ bet-beynesi atandı. Endi,  Adinay Rimhaştıñ beynesi bir jıl boyı fabrikanıñ bet-beynesi retinde onıñ barlıq önimderi men tanıstırımında qoldanılmaq. Ayta keteyik, wyımdastıruşılar komitetiniñ aytuınşa, bayqau endi jıl sayın, dästürli türde jalğasın tappaq.

«Bayqauğa qatısuıma anam men qwrbım sebepşi boldı. Jeñimpaz atanam dep oylamadım. Tek wyımdastıruşılar qoñırau soğıp, üzdik şıqqanımdı aytqanda, qattı quandım. Men bwğan deyin qanday da bir bayqauğa qatısuğa qızıqpadım. Al «Bayan swlu» fabrikası wyımdastırğan bayqau men üşin barlıq jağınan ıñğaylı boldı. Mäselen, özge bayqaulardağı sekildi aşıq-şaşıq kiimdermen podiumğa şığu, jalañaş täniñdi körsetu sekildi talaptar bolmadı. Kesirinşe, ibalıqtan attamay, öziñdi nağız qazaqılıq dästürde körsetu kerek edi. Men eñ aldımen ata-anamdı, ağalarımdı wyatqa qaldırmau jağın oyladım», - deydi «BAYAN SULU — 2018. Halıqtıq beyne — Halıq tañdauı» jobasınıñ jeñimpazı Adinay Rimhaş saytımızğa bergen arnayı swhbatında.

Foto: Adinay Rimhaş

Wyımdastıruşılardıñ aytuınşa, 20 aqpan küni bastalıp, 3 ayğa jalğasqan bayqauğa elimizdiñ tükpir-tükpirinen 23 000-ğa juıq ümitker ötiniş bildirgen. Sonıñ işinde arnayı moderaciyadan 3000 ötiniş qabıldanğan. Bayqau 4 kezeñ boyınşa ötip, onda özin-özi tanıstıru jäne dizaynerlik kiimde sändi defile, Bayan swlu obzazın qalay tüsinetinin däleldep, körsetu, bi jäne söz söyleu, käsibi ansambl'diñ süyemeldeuimen än orındau jäne jol jüru erejesi turalı saualdarğa jauap beru sındı talaptar bolğan. "Qazılar qwramında tanımal twlğalar, mädeniet jäne öner maytalmandarı men dizaynerler boldı. Sondıqtan da, üzdik obrazdı tañdau barısında maksimaldı türde ob'ektivti boludı maqsat ettik" , - dedi, wyımdastıru komitetiniñ törağası M.Abulğazinov.

“The Qazaq Times”