AQŞ prezidenti Donal'd Tramp NATO bas hatşısı Stoltenbergpen Aq üyde ötken kezdesuinen keyin, BAQ ökilderiniñ swraqtarına jauap berdi. Tramp bwl kezdesumen qatar ötip jatqan AQŞ-Qıtay arasındağı sauda kelissözderiniñ ekinşi kezeñi turalı pikir bildirdi. Ol Qıtaymen sauda kelisiminen tabıstı nätije küte almaytının qaytaladı. Bwl turalı «Şinlañ» aqparattıq saytı habarlağan bolatın.

Tramp sözinde: «Kelissöz sätti bolatına sene almaymın. Sebebi, Qıtay köp erkelep ketti. Europa Odağı da, özgeler de qattı erkelep ketken. AQŞ-tan ne swrasa sonı aladı. Biraq, bwlay jalğastıruğa rwqsat bere almaymız», – dedi.

Tramp bwl sözderiniñ arasında Japoniya men Oñtüstik Koreyanı da atap ötti. Kelisimderdiñ bäri AQŞ-qa tiimsiz jağdayda jasalıp kelgenin alğa tarttı. Sonday-aq, Qıtaydıñ köpten beri Qwrama Ştattı aldap kelgenin basa ayttı. Ol: «Biraq, bwl turalı Qıtaydı ayıptamaymın, AQŞ-tıñ bwrınğı ükimetteri kinäli»,– dedi.

Ayta keteyik, beysenbi küni bastalğan AQŞ-Qıtay sauda kelissözi nätijesiz ayaqtalıp, jwma küni ekinşi aynalımın bastağan bolatın.

“The Qazaq Times”